Djaluna dia 4 di Mart durante un seremonia militar, den oranan di mainta, Compagnie in de West Rotashon 44 a pasa su tareanan pa e siguiente unidat, rotashon 45. E Komandante nobo, Kapitan Bernhard di e Batayon 13 B ‘Pegasus’ di Assen, a tuma su tareanan durante un asina yamá “peddeloverdracht” tradishonal di man di su predesesor Kapitan Siebe. Komandante di Forsanan Naval Region Karibe Hulandes, Walter Hansen, durante e seremonia a para ketu na fayesimentu trágiko di un di e koleganan di Compagnie in de West.
Kapitan Siebe ta mira bèk riba un periodo intensivo i speshal: ”E dianan ku a pasa tabatá intensivo. Mientras nos tabata kla pa e ultimo siman na Kòrsou, riba Djasabra 24 di Febrűari un di nos koleganan a pèrdè su bida mientras e tabata snòrkel dilanti kosta di Playa Porto Marie. Nos ta gradeisido pa tur yudansa kun nos a risibí durante e búskeda di e kolega aki, i pa e deseonan di konvivensia ku nos a risibí.”
Tambe C-ZMCARIB Walter Hansen ta gradisí tur hende ku durante e último dianan a demostrá nan sosten: “E fayesimentu trágiko di nos kolega di Compagnie in de West a hasi un impakto grandi riba mi i tur e koleganan aki den Region Karibe Hulandes. Mi ke gradisí tur esnan ku durante e ultimo dianan a demostrá nan sosten. Siman ku a pasa nos por a despedí honradamente komo ‘One Team Carib’. No pensaentunan ta ku su famia, stimánan i koleganan mas di aserka. Nos ta deseá nan hopi forsa durante e periodo difísil aki.”
Ora Kapitan Siebe mira bèk riba henter e periodo di despliegue, aki nan tabatin un tempu komo unidat hopi útil i hopi edukativo: “Na tur momentu nos tabata kla pa akshon. Asina, riba petishon di sosionan lokal nos a keda desplegá den kuadro di opeashonnan kontra trafikashon di droga, nos por a sostené mas ku un proyekto pa bon kousa na Kòrsou i Boneiru, i den nos elementu EODD, nos a keda ubiká mas ku un biaha pa deshasí di eksplosivonan i trein sosionan lokal. Banda di esei kontinuamente nos tabata intensivá nos propio posibilidat pa akshon pa medio di organisashon di treinen desafiante. Nos por a hasi e loke pa kiko nos a bini i nos a sinti nos mashá bon biní riba e pida speshal aki di nos Reino.’’
Kapitan Bernhard ta antisipá ku durante e kuater lunanan benidero lo hasi ehersisionan ku e Compagnie i e speshalistanan i traha den Region karibe. E compagnie ta wòrdu sostené pa arkitektonan, personal médiko i un ekipo di EOD. E kombinashon di Compagnie ta úniko i ta eksistí di mitar grupo di empleadonan propio ku ta kapasitá i ku na Desèmber 2023 a risibí nan barèt kòrá. E priodo komo CidW-45 ta un tempu hopi importante pa e unidat, durante kua nan lo bai trein hopi i intensivo i traha huntu ku otro. Kaminda ta posibel e koperashon aki ta keda sostené i bishitá pa sosionan lokal. Ademas e unidat ta kla pa keda desplegá na momentu ku ta pidi esaki di nan.
Compagnie in de West (CidW) ta unidat permanente di Ehersito Real, ku bou di komando di CZMCARIB, por keda desplegá pa un variedat di tarea. E kuater lunanan benidero e Compagnie lo trein tantu na Aruba, Boneiru i Kòrsou.
