Aeropuerto di Aruba ta ricibi “Airport Carbon Accreditation Level 2”
ORANJESTAD – Aruba Airport Authority N.V. (AAA) compania cu ta maneha y opera Aeropuerto Internacional Reina Beatrix (Aeropuerto di Aruba) orguyosamente ta anuncia su logro mas recien, e “Airport Carbon Accreditation Level 2”.
Aeropuerto di Aruba a drenta Airports Council International (ACI) su programa “Airport Carbon Accreditation” (ACA) na 2018 y desde e momento ei a tuma un cantidad di accion na fabor di medio ambiente. ACA ta e unico programa global y specificamente pa aeropuertonan cu ta certifica e esfuerso di aeropuertonan pa maneha y reduci nan emisionnan di carbon. E ta e programa ideal pa yuda aeropuerto contribui pa bira inclusivo, safe, resiliente y sostenibel tumando accionnan urgente pa combati cambionan climatico y su impactonan, segun metanan #11 y #13 di e metanan di desaroyo sostenibel di Nacionnan Uni.
Door di logra e Airport Carbon Accreditation Level 2, e asina yama “Reduction level” ACA ta duna balor na e esfuersonan haci door di Aeropuerto di Aruba pa maneha y reduci su carbon footprint. E accionnan tuma pa midi, maneha y reduci su carbon footprint ta inclui cambio di tur lus pa lusnan LED, e ponemento di timernan electrico den y rond di aeropuerto y e introduccion di airconan mas eficiente pa cu aire, pa menciona algun.
“Como parti di e strategia corporativo, cu ta den proceso di wordo desaroya hunto cu tur empleado di AAA, e ekipo na Aeropuerto di Aruba ta hopi dedica na reduci e carbon footprint di nos aeropuerto! Apesar di e efectonan obvio di 2020, e ekipo a sigui cu su esfuersonan pa maneha y mitiga nos carbon footprint. Level 2 ta duna nos e indicacion cu nos ta riba e bon caminda y ta duna nos e confiansa pa alcansa e siguiente nivelnan di e acreditacion internacionalmente reconosi hunto cu nos provedornan di servicio na aeropuerto. Nos ta contento, honra y orguyoso di obtene e acreditacion nobo aki y mi por garantisa cu e ekipo lo sigui traha di forma comprometi y dedica bayendo pa dilanti,” segun Jurgen Benschop, COO na AAA.
Airport Carbon Accreditation ta e unico programa global di certificacion institucionalmente aproba pa aeropuertonan y cu independientemente ta evalua y reconose esfuersonan di aeropuertonan pa maneha y reduci nan emisionnan di carbon via 6 nivel di certificacion: ‘Mapping’, ‘Reduction’, ‘Optimization’, ‘Neutrality’, ‘Transformation’ y ‘Transition’.
Danki na e programa Airport Carbon Accreditation, Aeropuerto di Aruba por contribui directamente na e metanan di desaroyo sostenibel diseña door di Nacionnan Uni y adopta door di AAA como su base principal. Esakinan ta un coleccion di 17 meta global diseña pa ta un base pa alcansa un futuro mihor y mas sostenibel pa tur hende. E metanan di desaroyo sostenibel a wordo introduci na 2015 door di e “United Nations General Assembly” cu e meta pa wordo alcansa pa aña 2030.
AAA Hendrick Croes: As part of the airport’s corporate strategy to be the most sustainable airport in the region:
AUA Airport receives Airport Carbon Accreditation Level 2
ORANJESTAD – Aruba Airport Authority N.V. (AAA) company that manages and operates Queen Beatrix International Airport (AUA Airport), with the ambition to be the most sustainable airport in the region, proudly announces its latest achievement, the Airport Carbon Accreditation Level 2.
AUA Airport entered the Airports Council International’s (ACI) Airport Carbon Accreditation (ACA) program back in 2018 and has since taken numerous actions in favor of the environment. ACA is the only global, airport-specific program that certifies airports’ efforts to manage and reduce its carbon emissions. It is the ideal pro…
