ORANJESTAD,Aruba
Ministronan y Parlamentarionan a pasa un ley cu fuera cu nan por cobra un pensioen acumula cu ta yega na 20 mil, 30 mil, 40 mil y hasta 70 mil y mas cu esey, a percura tambe cu nan por a cobra esaki na momento cu nan alcansa pa Ministro 45 aña di edad y pa Parlamentario 50 aña di edad. Nos pregunta ta na pueblo: ora cu nan a yega e edad aki y ainda nan ta ocupa un di e posicionnan aki, nan a ricibi nan pensioen y fuera di esey si ta Ministro fl. 16.000 pa luna y si ta Parlamento ariba fl. 10.000 pa luna EXTRA? Si ta asina cu apenas 45 aña un Ministro lo tabata bai cas cu ariba fl. 50.000 o mas pa luna y un Parlamentario mescos. ESAKI TA TRAHA PA PUEBLO? Nos sa cu un Ministro cu a caba di renuncia pa salud den 3 aña a cobra na overbrugginstoelage mas o menos mei miyon florin? Nos pregunta ta esun cu a tuma su lugar como Ministro y den ultimo siman tabata tin tanto problema cune, tambe a cobra su overbruggingstoelage como ex parlamentario, pa despues bira ministro?
Na 2010 e ley a pasa cu pa tur dos funcion nan tin derecho ariba e ultimo pensioen mas halto, pero te ora nan yega 65 aña. Si nan keda activo den politica nan lo perde tur derecho y aki si hopi djaka a bula afor pa nan no perde nan pensioen miyonario, supuestamente pa habri lugar pa sanger nobo. Pueblo habri bo wowo!
E overbruggingstoelage miyonario despues di cada eleccion si a keda na vigor. E actual Ministronan tur cu tabata miembro di Parlamento a cobra nan overbrugginstoelage miyonario y despues bira Mininstro y sigui gana nan salario di fl. 16 mil? Esnan den Staten cu tabata Ministro y despues bira miembro di Staten a cobra nan overbrugginstoelage como ex Ministro y despues bira Parlamentario, ganando fl. 10.000,00? Nos ta kere cu si, debi cu dia Gabinete Mike Eman 1 a sinta tur e miembronan di Staten cu a bira Ministro a firma un documento cu nan lo laga e overbrugginstoelage cu “nan tin derecho ariba dje” aden, pa drecha Bestuurskantoor. Segun nos nan a cobre, tumando esaki na consideracion.
Un pueblo pober, hopi pober, un pais pober, pero cu POLITICONAN MIYONARIO!
Kiko a resta di nos Status Aparte? Nada! Dia cu nan a pasa e ley di CAFT pa Hulanda controla nos finanzas publico, e actual Ministro Presidente ta e ultimo cu a hiba palabra pa 1:24 di marduga y a yama Mike Eman pa traidor y otro palabranan menos bunita y a tilda Mike y AVP di a bende y a entrega nos Status Aparte na Hulanda, loke e tin razon, DEBI CU UN PAIS CU NO TIN SU PROPIO MANEHO FINANCIERO NO TA UN PAIS LIBER. DESDE E TEMPO EY ARUBA A PERDE SU AUTONOMIA.
Kiko Status Aparte a trece pa nos:
- Corupcion na luz dia cu un mucha mes por mira.
- Na prome lugar Politiconan y famianan afilia na politica Miyonario.
- Un pais despues di 34 aña a demostra cu tur Gobierno no por a maneha nos pais na un manera responsabel.
- Si, nan a percura pa nan famia y amigonan a goza di tur privilegio.
- Ainda personanan cu pensioen miyonario ta sigui ta den Gobierno, ocupando un o mas posicionnan cu salarionan halto.
- Un Abogado ex Ministro den Antiyanan Hulandes y na Aruba cu pensieon miyonario y ainda den funcion, cu un edad halto.
- Un pais cu e impuesto/tax mas halto den mundo.
- E pais mas caro den nos region y kisas den mundo, un BBO acumulativo cu ta yega na 36 %.
- Servicio di awa y coriente carisimo.
- Un pais den un pobreza total. Famianan pober.
- Un pais yena cu ilegalnan, OEA, haciendo un estudio di e Venezolanonan aki na Aruba a saca afor cu 30 % porciento di nos poblacion ta Venezolano, mayoria ilegal. Esaki a ser declara durante nan reunion na Medellin Colombia aña pasa.
- Un pais insigur, awor hasta nan ta horta cuminda, pa ilustra con pober nos pais ta.
- Famianan mester biba cu cas sera.
- Solamente pa menciona algun.
ARIBA TUR COS CU UN DEBE ARIBA 5 BIYON, SIN CONTA E PROYECTONAN PPP CU TA YEGA NA 2 BIYON. 7 BIYON EN TOTAL Y AINDA E CRISIS NO A PASA Y LO BIRA PEOR. Aruba no por paga e debe nan aki nunca. Ta cuanto belasting lo mester subi pa nos por paga e debe aki?
Ningun Gobierno por resolve e problema grave cu tur Gobierno, despues di Status Aparte a hinka nos aden, un desaster financiero sin solucion, cu nos nieto y bisa nietonan mester bai paga.
AZV na peliger, SERLIMAR bancarota, ARUBUS bancarota, desaster ecologico na Parkietenbos, Fondonan di APFA na peliger, asina tur politico ta bisa cu nan a traha cu amor pa nos isla? Tur ta complica di e mal maneho cu a trece nos na e punto aki. E crisis di Covid- 19 a expone un sistema politico putri, cu nunca a funciona y tras di cortina nunca lo cambia tampoco.
Pa mas informacion encuanto uso di poder y corupcion, durante nos Status Aparte bishita:
Pone bo firma:
Si bo ta desea pa caba cu tur e abusonan duna nos boso apoyo y duna nos boso firma, uni bo mes na e mas di 1000 persona cu a firma caba. Demostra e amor cu bo tin pa salba nos pais.
Click riba e link y pone bo firma:
Ariba nos website boso ta haya tur clase di informacion.
Danki pa bo sosten.
Movimiento Futuro pa un Aruba nobo.
