COMISION FUTURO ENCARGA CU E REFERENDUM PA HACI ARUBA UN MUNICIPIO PERTENECIENDO NA HULANDA TA SUMAMENTE CONTENTO CU E REACIONNAN TE AWOR. NA CORSOW DEN UN ENCUESTA 64 % TA DESEA UN GEMEENTE.

Hopi ta e reacionnan cu e comision ta ricibiendo pa cu e deseo pa Aruba bira un municipio di Hulanda. 60 % ta hobennan y 40 % hendenan di mas edad, perteneciendo na tur Partido. Hopi dIsgusto con Aruba a ser maneha despues di Status Aparte.

Status aparte na 1986, un alegria grandi, porfin nos a sali for di e constelacion Antiyano y para ariba nos propio pianan, pero perteneciendo na Reino Hulandes, manera nos tabata ta desde 1854. Manteniendo nos pasaporte Hulandes sumamente valioso. E prome aňanan tur cos a bai bon. Despues a cuminsa pa haci fabornan miyonario na famia y amigonan. Hulanda a sigui para garantia pa Aruba haci prestamo ariba tereno Internacional, pa cubri e presupuesto. Na momento cu partidonan politico a haya un sosten absoluto di pueblo, fiesta a bira mas grandi. Overbruggingstoelage di miyones paga na tur politiconan di tur partido. Pensieonnan miyonario di 20, 30, 40, 50 y mas mil pa luna.

Fiesta di yuda y enriquese famia y amigo a continua, awor cu un sosten amplio. Amigonan anciano cu dobbel pensieon ta ser emplea pa dirigi cierto departamentonan cu salario di fl. 20 mil y mas pa luna, sin conta nan pensioen cu ta ariba 20 mil.  Conseheronan cu dobbel pensieon mas ariba 10 mil salario pa luna. Compania di abogadonan ganando sumanan miyonario den tur Gobierno. Asina nos por sigui menciona un cantidad di abusonan cu a ser comete despues di realisacion di nos Status Aparte.

Mas o menos 6 aňa pasa Gobierno di Reino a pone un paro na e abuso di poder y a exigi pa Aruba entrega pa medio di control estricto di CFT, nos Finanzas Publico. Un pais cu no por por maneha su finanzas publico no ta un un pais para ariba su pianan. Manera nos Prome Ministro actual e anochi di votacion pa Hulanda controla nos finanzas publico a yama e Prome Ministro di e tempo ey Mike Eman pa traidor y cu e a entrega nos Status Aparte na Hulanda. Atrobe cu tur razon, un pais cu no por dicidi ariba su finanzas publico no ta para ariba su pia. ADIOS STATUS APARTE, NOS POLITICONAN A DEMOSTRA CU NAN NO POR A MANEHA ARIBA UN FORMA RESPONSABEL NOS STATUS APARTE. DESDE E DIA EY ARUBA TA COMPLETAMENTE DEN MAN DI HULANDA.

Apesar di esey fiesta a sigui. Aruparking cu a inverti miyones y miyones den dje  a bira un olifante blanco, mas a tuma den servicio 30 empleado cu ta cai bow di Arubus. Tur e mashinenan pa paga, oficina pa maneha ta dorna nos cayanan principal. Serlimar ya bancarota ta busca 4 vihiculo super moderno atrobe costando miyones y ta bai huur un edificio pa complace amigo cu e contract tambe cu ta costa miyones. Eyden a ponde algun baki chikito di Serlimar di diferente color pa pueblo bin deposita sea palo, resto di cuminda, paňa biew etc. Ta ken ta sali for di su cas y bai te Pos Chiquito pa deposita loke a ser menciona den bakinan cu den un rato nan ta yen? Awe segun politiconan Hulandes e ta e siguiente pa ser investiga. Cobrando dos biaha overbruggingstoelage di ariba mei miyon den apenas 3 aňa. Catalisador pa kima cadaver di animalnan, costando miyones ta para na dump ya ta bai pa un aňa.

Camaranan di seguridad tur rond di Aruba ta para ta putri cu a costa Aruba miyones y miyones di florin. Paisnan menos desaroya cu nos tin camaranan di seguridad. Tramnan cu a costa mas di 25 miyon pa dorna nos cayanan principal, ni pais rico tin e luho aki, corda un pais pober. Caya grandi mal constui, sin mantencion, fonteinnan no ta traha etc. cu a costa pueblo miyones y miyones di florin.

Pueblo esaki ta algjun di e abusonan cu a tuma lugar despues di Status Aparte, ta pesey Comision Futuro a ser lanta pa defende y garantiza nos permanencia den Reino Hulandes, cu nos pasaporte Hulandes y nunca INDEPENDENCIA.

Esnan cu ta desea pa join Comision Futuro por manda un e-mail na atanleesr@gmail.com. Na esnan cu a mail o yama cu ta ariba 1000 nos comision ta recorda nan cu pronto profesionalnan ariba e materia aki ta bin cla cu e documentonan pa asina pueblo por vota. HUNTO NOS TA GARANTIZA NOS PAIS UN GRAN FUTURO, LIBER DI CORUPCION Y ABUSO DI PODER.