ORANJESTAD,Aruba
Ta costumber caba cu ex Prome Minister den tur su articulonan ta critica y rebaha Hulanda, cu e unico deseo pa Aruba ta un pais Indendpendiente, sin defensa y sin un pasaporte reconoci. Esaki tambe ta deseonan cu semper y te un poco dia pasa a sali for di un ex Minister y te ainda consehero di e actual Govbierno.
Den e articulo e ex Prome Minister ta critica cu Hulandesnan antes tabata disfruta di buitenlads verlof di 6 luna na Europa, pero e ta lubida cu hopi Arubianonan di e tempo ey tambe por a goza di e previlegio aki. Cuanto empleado di Gobierno di e tempo ey sea ken sea tambe a disfruta di un buitentlands verlof bon mereci. Hopi di nos grandinan ta agradecido pa esaki y tabata un occasion pa nan por a goza di un vakantie. Aruba tabata por, debi cu nos tabata tin un situacion financiero stabil. Awor esaki no por mas, ta solamente politiconan cu a bai cu pensioen y overbruggingstoelage miyonario por goza di e previlegio aki.
Enberdad cu na Hulanda tambe tin hopi corupcion, pero nan ta ser castiga y hasta na momento cu un MInistro o politico faya den su maneho e ta tuma su retiro, manteniendo honor na su mes. Aki na Aruba nunca esey a yega di sosode, hasta na momento cu ta constata fraudenan cuantioso, tog nan ta keda na poder den tur Gobierno. Stop di wak den cura di otro hende y tapa bista pa tur e abusonan di poder cu a tuma lugar, despues di Status Aparte. Ex Prome Minister mester a tira y mustra dede ariba Hulanda, pero tabata mihor cu e dede ey e a dirigi’e den direccion di nos pais. Mal maneho di tur Gobierno awe tin Aruba den un pobreza total. NO SOLAMENTE NOS ARUBA NO TIN PLACA, PERO TIN UN POBREZA GRANDI ENTRE NOS HENDENAN Y UN ARUBA SUMAMENTE CARO, COMESTIBLENAN A SUBI BARBAREMENTE.
Ex Prome Minister a fix su esposa spanan den practicamente tur hotelnan di nos pais y otronan? Bo por haci bon uso y mal uso di poder? Placa ta yama placa? Esey ta traha pa pueblo? Enbez di sinta critica Hulanda lora manga di camisa y drenta pueblo yuda nan den nan pobreza. Ora bo por come na grandi y biba na grandi, bo ta biba lubida cu kisas e mes un hendenan cu awe ta pasando den un pobreza increibel ta esnan cu a yuda cu awe bo tin un pensioen y overbrugginstoelage di miyones y miyones.
Mi ta pidi ex Mininster, medionan, pueblo di Aruba y google y busca “25 jaar Status Aparte Een politiek Paradijs”, scrirbi pa senjor Armand Hessels y Henry Coffi. Aki pueblo lo haya e prueba real di e abusonan cu a tuma lugar cu tur politiconan despues di Status Aparte, na unda nan a cobra miyones y miyones na overbrugginstoelage y den un anochi laat scondi na a pasa e ley aki unanimamente y tambe pa nan por a bai goza di un pensioen miyonario. Aki no ta Comision Futuro ta bisando e berdad, pero e personanan cu a scirbi e buki aki, haciendo estudio, sacando informacionnan di tanto ARA, Raad van Advies, Banco Central y otronan. Esaki tabata 10 anja pasa, ta cuanto mas a bin aserca?
Sin Hulanda nos no por sobrevivi, nos no tin un defensa respalda door di NATO y un pasaporte reconoci mundialmente. Esnan cu ta desea pa yuda por inscribi na e-mail:atanleesr@gmail.com.
Hunto y uni nos por garantiza nos pais un bon futuro, liber di corupcion, fabornan politico, overbrugginstoelage y pensioennan miyonario. INDPENDENCIA NUNCA, PASPORTE HULANDES PA SEMPER.
COMISION FUTURO ENCARGA CU REFERENDUM ARUBA UN GEMEENTE.
