Na momento cu e opcionnan ta tiki hopi cosnan di iregularidad ta pasa. Durante di un pandemia tur avion tabata para, awo pa aña 2022 poco poco comercio ta habri y vuelonan a cuminsa. Sinembargo e servicio y opcion pa e cliente na EZ air ta cortico. Un maleta por bay na 23 kl, pero na momento bo ta 30 kl e regla ta cu no por pasa e kl nan, pero tampoco no tin opcion pa paga pa e kilonan y tampoco no tin opcion di paga pa un otro maleta pa e kl nan bay como e otro maleta. Sinembargo mester tin un otro maleta cu EZ Aire ta permiti di saca e kilonan nan di e prome maleta pone den e di dos maleta paga e maleta e ora si por. Kico ta e diferencia absolutamente nada, solamente un molester pa e viahero y no opcion di servicio y posibilidad. Banda di esaki e avion a bay bashi tambe cu ta haci cu berdaderamente e hobenan na bali no experencia no ta traha opcion pa duna un miho servicio. Esaki sigur ta frustra viaheronan cu lo viaha pa un termino largo y ta bay un vuelo 6 or di mainta cu no por bay bin pa busca un otro maleta mane EZ aire ta exigi. Ta pidi pa papia cu e manager pa mira opcion ni sikier a ta sali pafo duna cara y of duna e servicio y amabilidad cu mester tin na momento cu ta trata di cualkier cliente. Hopi ta e localnan cu ta viaha entre e islanan pero hopi ta tambe e turista nan cu ta kies un pais y viaha entre e islanan. Esaki sigur ta un desapunto. Aunke mester bisa cu e personal di curacao den avion tabata sumamente amabel compara cu esnan na bali na Aruba. Sigur mas aeroliñanan nobo, mas competencia , mas nan lo mira e balor di miho opcion pa e cluente. Prinsipalmente na momento cu e avion ta bula bashi no ta haci un diferencia si e cliente mes kier paga pa su kilonan.
Editorial.
