Comerciante Richard Helder den libertad

Despues di 48 ora di interogacion Propietario di Fast Delivery R.Helder a keda den libertad. Sigur e entrada hudicial aki algo di sorpresa pa tur hende. Trahadonan tabata trankil paso tur tabatin confiansa den nan hefe mirando cu e operacion di e compania ta cana segun reglanan y leynan di Aruba. Tambe e sorpresa di LR tabata sigur con bunita y con documenta y tur back up na su luga e companianan aki tabata opera cu no a keda nada otro di laga R. Helder den libertad.

Mester bisa si cu tipo di accionnan asina ta perhudica un comerciante asina grandi na Aruba cu tin un cantidad grandi di empleadonan bao di su mando y ta opera companianan serio na Aruba, Boneiro, Curaçao y Colombia ta haya su mes den un situacion asina aki sin spera.

Tin indicacionnan fuerte di unda e lish aki ta bin y sigur esaki lo cana su caminda corecto y recto manera debe ser. Banda cu sr Helder ta un comerciante Arubiano exitoso door di su caracter estricto y maneho estricto cu e ta hiba awe por bisa e ta un comerciante exitoso riba su pais natal. Mas cu 20 aña den e mundo logistica y sigur cu amplio experiencia unda cu hopi por siña di dje.

Banda cu e ta un comerciante exitoso e ta gusta deporte y e ta aporta hopi na e generacionnan nobo y yuda hobennan den dificultad, pero tambe individualmente e ta un voz di experiencia , un man di consuelo como amigo pa hopi, encurasha hende y kier mira hopi di esunnan cu kier progresa progresa manera e mes den bida.
Sinembargo na mes momento e envidia ta core rond, mes un cos cu tin hende bon tin hende malo tambe y sigur esaki t acausa danjo tambe. Sinembargo semper e berdad ta alcansa e mentira y cosnan ta claria, pero e danjo cu ta keda causa ta enorme y sin ningun motibo real.

Den e ultimo tempo nan aki ta mira cu ministerio publico ta haya hopi informacion cu no ta cuadra y sin un prueba alguno ta uza nan autoridad y ta kere cu nan lo bay encontra algo , pero realmente ta ocasiona daño na famia, negoshi y personal sin logra nada na final. Ta importante pa LR evalua na momento di ricibi kehonan no corecto of falso cu por ocaciona hopi daño.

COMUNICADO DI OM: Sospechoso di labamento di placaponi den libertad

Awe fiscal di husticia a pone e sospechoso H., kende a keda deteni diamars ultimo relaciona cu un investigacion di labamento di placa, den libertad.H. lo sigui como sospechoso pa duracion di investigacion.

Bao guia di huez-comisario tabatin e siman aki huiszoekingnan den cas y negoshi di H. Den cuadro di esaki, a tuma administracion y cargadornan di informacion den beslag.