Casonan di maltrato y abuso ta pasa hopi na Aruba. Ta un lastima cu te ainda casonan severo di maltrato ta pasa RIBA E PIDA BARANCA AKI. Sinembargo e preguntanan ta keda e casonan aki ta keda atendi ? e victima ta keda protegi?, e agresor ta respeta ordo di polis pa keda leu, Famia di e agresor ta realmente stop di intimida e victima pa kita keho?. Preguntanan cu ta bin padilanti na momento cu casonan cu ta yega na nos mesa di redaccion.
Siman pasa diaranson a tuma luga un caso tristo y lamentabel na Aruba, pa ta exacto na San Nicolas, den un mondi unda cu gritonan ta somenta den e biento y lama patras den bisindario di e anker.
Ta trata aki di un conocedo comerciante barbero na playa Noel Ozuna cu a maltrata su pareha, no prome biaha pero varios biaha caba, pero den e tantisimo biahanan no a duna keho, e biaha aki si a duna un keho y ta spera cu husticia por vence. Na momento cu a maltrata e dama e homber a habri su cabes y despues di un rato e la core hiba IMSAN pa e keda trata. Aki ta caminda IMSAN mesora a mira e caso y a yama polis y asina recherche a haya e caso y a atende cu e caso mesora.
E dama cu hopi miedo na IMSAN no sa kico pa haci, pero a sinti cu ta basta y e denuncia a wordo haci. Na varios ocasion caba e maltrato nan a tuma luga unda cu hasta un biaha a habri cabes di e dama den pasado. Sinembargo na momento cu a sinti un poco di siguridad di proteccion di instancianan mane IMSAN, Slachtoffershulp y recherchenan a haya e forsa y a haci e denuncia oficial y na unda cu tur prueba a keda entrega.
Sinembargo pa straño cu e situacion ta zona famia di e agresor ta intimida e dama pa kita e keho, esaki ta situacionnan cu ta pasa regularmente den casonan di maltrato. Ta pone un presion y ta pidi pa kita e keho pa asina e homber por sali di KIA, pero sinembargo esaki por haci e situacion mas pio di loke cu e ta. No ta permiti pa ningun persona intimida un otro pa un decision cu e la tuma pa su bienestar y di su 4 yiunan, esaki ta un otro tipo di abuso tambe cu ta tumando luga na e mes un momento banda di e maltrato cu a tuma luga caba.
Sinembargo kico pa e victima haci? Con pa preveni pa e no wordo intimida? Ta ricibi proteccion di polis berdaderamente? Kico por haci pa ningun famia di e agresor yega cerca? Ta puntonan su sigur ta na proteccion di e victima, pero enrealidad e ta sosode ? Instancianan cu tur aña ta pidi placa cu ta yuda hende muhe nan den dificultad ta na altura di tipo di casonan asina, berdaderamente nan ta yuda den casonan asina?. E impresion cu tin ta NO , pero kico ta e caminda realmente e ora pa cana?
Nos tur ta na altura di casonan di pareha ultimo cu a sosode,unda cu hasta morto a cay , kico ta loke nos como pais ta warda pa accion nan tuma luga? Na e momentonan aki e victima tin miedo y ta biba den un tencion hunto cu sui yiunan sin sa kico por spera nan aki un par di dia cu e homber lo Sali for di KIA.
Apelacion ta bay pa tipo di casonan asina keda atendi na ordo di dia y tambe pa e victima haya e tratamento necesario y pa instancianan ta pro-activo mane nan mes ta propaganda pa yuda e victima hunto cu su yiu nan pasa den e proceso dificil aki. Ta spera cu instancianan concerni mane departamentonan di asuntonan social no solamente warda pa hende cu problema yega cerca nan , pero nan tambe ta pro-activo y sa di e casonan aki y cu nan experencia yuda un ciudadano aunke cu e ta di otro nacionalidad pa e por pasa den e proceso di miedo aki y pa asina e por hiba su yiunan padilanti, mirando cu aki na Aruba e no tin famia y e ta su so cu su yiunan y pa preveni un desgracia mas manera e ultimo cu henter Aruba a haya un shock di dje unda cu e pareha a mata su pareha y despues bay mata su mes. Ta casonan cu no ta pone Aruba den luz positivo , pero mas bien negativo.
Opinion publico via Whatsapp TipLine
Bo tin cualkier informacion of bo ta desea di expresa e preocupacionnan cu bo tin nos di EA News tin un Whatsapp TipLine cu ta disponibel 24/7 pa conecta cubo. Whatsapp nos na 5611983
1 comment
[…] Source link […]