Diamars atardi 16 di maart a tuma lugar na Centro Deportivo Libertador Betico Croes, weganan di beach volleyball mucha muher organisa pa IBISA.
E diamars prome, dia 9 di maart tabata tin training na Joe Laveist y diaranson dia 10 di maart tabata tin training na Centro Libertador Betico Croes. Diabierna 12 di maart weganan di clasificacion a tuma lugar tanto na Joe Laveist como na Centro Libertador Betico Croes y aki e mihor 2 scolnan di cada categoria di distrito a pasa pa e gran final cu a tuma lugar diamars 15 di maart.
Prome wega tabata den categoria 4 unda Colegio Arubano a enfrenta Colegio San Augustin. Den prome set ekipo di Colegio Arubano a gana cu score di 21 – 19, den di dos set Colegio San Augustin a gana cu score di 21 – 16 forsando asina e di tres set. E di tres et tabata uno hopi emocionante y hopi pareu den score te na 11 – 11, despues Colegio San Augustin a rally pa bay cu e victoria cu score di 15 – 11 y asina a titula campeon den categoria 4 lagando Colegio Arubano como sub campeon . Colegio San Augustin ta masha contento cu e logro aki y ta hopi orguyoso di su team
di volley mucha muher. Colegio San Augustin ta felicita e team di volley un biaha mas cu e titulo di campeon
