Codigo oranje pa Aruba y tambe ayudo profesional

Aumento di e casonan di coronavirus riba e islanan Hulandes, entre otro Aruba, a pone cu Hulanda a tuma cierto medidanan.

Den e tempo di pandemia biahamento ta un di e formanan mas facil pa transporta e virus y pesey Hulanda a dicidi pa tuma medida extra. Esaki ta specialmente dirigi riba paisnan unda cu e casonan di VOVID19 a bin ta subiendo.

Riba diamars gobierno a dicidi di pone e islanan Hulandes den Caribe, cu ta inclui Aruba, bou di codigo oranje. Esaki ta nifica cu ta un peligro pa biaha pa Aruba debi  na e aumento di casonan di COVID-19. Na Reino Uni por a nota cu e meidanan ta mas pisa ainda. A dicidi cu tur persona cu dicidi  di bay cu vakantie ta haya un boet di 6 mil euro. Pues e biahamento ta wordo descurasha.

Aruba ainda ta ricibi vuelonan di KLM aunke cu e cantidad di personanan cu ta yega no t’asina hopi  mas. Pero cu e decision di pone Aruba riba lista di codigo oranje, e o tin su efecto sigur. Biaheronan for di e islanan aki m ester test rome cu nan yega Hulanda y despues bay den cuarentena.

Banda di esaki a bira conoci cu minister de Jonge, kende ta encarga cu Salud Publico, tambe a mustra su preocupacion pa e aumento di casonan na e islanan den Caribe. Esaki ta motibo cu a dicidi di saca un man pa yuda e islanan, brindando asistencia medico. Esaki ta aparece den un carta cu el a mand pa Tweede Kamer.  E personal necesario pa Aruba ta bay wordo busca via di un uitzendbureau.

Den un conferencia di prensa e siman aki di hospital. A expresa e preocupacion pa aumento di casonan cu ta yega hospital. Esaki ta un presion riba personal. Na momento cu pashentnan yega ICU mester tin mas personal disponibel pa cada pashent y esaki ta un dure kracht. A splica cu door di obesidad tin biaha mester di sigur tres enfermero pa yuda un pashent.

Pero tambe cu hospital tin maximo di 35 cama pa atende cu pashentnan no grave y 18 cama di ICU. E situacion actual cu aumento di casonan ta haci cu hospital ta yegando su limite y esaki ta un peligro grandi pa salud publico y e cifranan di morto por ta mas cu loke a experencia te aworaki.