Mentor y coordinador di Coder Dojo, Thanya Croes y fundador y mentor Bruce Harms nan ta gradici directora di biblioteca, sra. Astrid Britten. Nan ta hopi contento cu e cooperacion cu biblioteca publico. Tanto biblioteca na Playa como San Nicolas ta facilita e sesionnan di Coder Dojo pa un y tur.
Full Stack Vision foundation a cuminsa cu un ‘Coder Dojo’ na biblioteca como un aña pasa. Kico esaki ta? Un Coder Dojo ta duna mucha oportunidad pa siña traha codigo, desaroya website, apps, programa y wega riba computer y tambe computer engineering. Muchanan cu ta bay un ‘Coder Dojo’ ta experimenta traha diferente cos y ta explora e tecnologia na un manera creativo. Muchanan ta traha cu otro riba diferente proyecto. Mayornan interesa pa nan yiu join por lesa mas www.coderdojoaruba.com of bishita ‘arucoderdojo’ riba Facebook. E proximo sesion di Coder Dojo ta dia 10 di januari 2023 na biblioteca na Playa.
