Na 2025 Ministerio Publico lo sigui activamente cu cobra multanan impone dor di huez. Esaki en
cooperacion cu CEA y grenspolitie.
Pa evita cu bo persona wordo busca na cas dor di funcionarionan di CEA of wordo gestop na
airport dor di grenspolitie, Ministerio Publico ta haci un apelacion urgente na tur persona pa paga
nan multanan na tempo. E apelacion aki ta bay particularmente na viaheronan (cu ta core riesgo
di perde vuelo).
Bo persona por paga online via cuenta bancario 4000905 di ArubaBank bao mencion di e
parketnummer (cu ta cuminza cu un P). Desde dialuna 6 di januari 2025 bo persona por swipe
tambe na caha di Ministerio Publico despues di haci un cita via e website (www.omaruba.com).
Ademas Ministerio Publico ta desea pa corda tur hende cu si bo persona haya un citacion pa un
caso den Corte relaciona cu un infraccion (di trafico), bo persona por semper paga e transaccion
aki PROME cu huez trata e caso den Corte. E suma aki lo ta semper MENOS cu e suma cu lo
exigi contra bo persona den Corte.
Por paga e suma di transaccion tanto online cu na caha di OM (despues di haci un afspraak). Si e
multa wordo paga na tempo, e citacion y e tratamento lo caduca y bo persona lo no mester di bay
Corte mas tampoco.
Ministerio Publico a constata ultimamente cu hopi hende ta bin Corte, sea pasobra nan no sa of
no ta compronde bon cu nan por evita di wordo persigui penalmente (un caso den Corte) dor di
paga e transaccion na ora. Si bo persona tin algun pregunta tocante bo multa(nan), por manda
esaki pa info@omaruba.aw. Por eventualmente haci uso di e formulario di contacto riba website
www.omaruba.com tambe pa haci pregunta.
Cobramento di multanan y transaccionnan 2025
