ORANJESTAD, Aruba
Despues di a cana den un forma di marcha y a entrega e carta contra dump na Minister Andin Bikker a sigui y a hasi un entrega na Gobernador di Aruba Alfonso Boekhoudt y Presidente di Parlamento Ady Thijsen.
Durante e entrega na Presidente di Parlamento di Aruba a splica un biaha mas e urgencia di pone un paro na e daño cu dump ta causando na e bario y naturalesa di Simon Antonio. Presidente di Parlamento a duna di conose cu e tambe ta para pa e lucha aki y den su opinion esaki ta un caso valido. Awor segun Presidente di Parlamento Ady Thijsen Parlamento den su henter apesar di nan color politico mester uni y atende cu e situacion aki debidamente. Sra. Balentina hunto cu e ciudadanonan di Simon Antonio a vocivera cu awor mas cu nunka ta di gran importancia especialmente mirando cu awor nos muchanan mester keda mas largo na cas cual ta pone cu pa e muchanan di Simon Antonio mas tempo cu nan ta den e humanan venenoso cu dump ta produci ta bira un situacion fastioso pa nan.Ta spera cu di berdad un accion lo bin y pa cu tur e mandatarionan uni y bin cu un cambio pa cu esaki. 
