Te ainda Curaçao ta sufri di e daño di henter e situacion di Banco central di Curaçao y Girobank. Sinembargo e gran mayoria cu ta sinti e efecto di Giro ta esunnan cu tabata cliente. Despues cu giro a cera su portanan no por a habri un otro cuenta di banco na Giro. E grupo di clientenan mayoria tabata e pensionadonan cu ta cobra AOV , personanan cu ta cobra onderstand y empresarionan chikito y mediano. Hopi di e ciudadano cu tin nan negoshi cu ta entrepeneur y tin nan negoshi chikito mayoria tabatin nan cuenta na giro.
Na momento cu Giro a cera su porta dificilmente e grupo aki a haya oportunidad pa por habri un cuenta na banco, esaki ta pa motibo cu netamente e grupo aki e instancianan financiero na Curaçao no tin como doelgroep debi cu nan entrada no ta halto y e grupo aki tambe ta netamente esunnan cu dificilmente no ta bin facil na un fiansa. Esaki ta pone cu un banco comercial su obhetivo ta pa fia placa y e grupo aki no ta cay bao di dje. Ta lamenta cu e banconan financiero no kier tuma e gruponan aki como cliente debi cu ta sinti cu tin mas gasto cu nan enbes di ganashi.
Banda di esaki tin un situacion cu na momento cu un persona ta cobra AOV no tin un cuenta na banco y na momento cu e bay SVB , SVB ta por pasa e cuenta na un banco desea y e ora ey e persona por bay un banco cu su cedula , pero na mes momento ta cobra e personanan cu ta cobra AOV 10.60 florin di OB pa nan por duna e servicio aki debi cu e no tin un cuenta di banco.
Parlamentario Ramon Yun ta duna di conoce cu e AOV mes no ta hopi y asina mes ta kita 10.60 for di e personanan cu ta cobra AOV. Un situacion fastioso , pero Parlamentario Ramon Yun di MFK ta kere cu ta importante pa bin cu un banco nacional pa asina tur hende por haya un oportunidad pa habri un cuenta bancario y asina aki e grupo aki cu a keda neglisha tambe por habri nan cuenta.