Na paradera a habri Childern’s House Montessori, tabata un dia hopi special pa propietario di e scol y su team. Na april ultimo a tuma e decision pa habri su mes un scol y ta independiente den e mundo di enseñansa. Montessori school ta scolnan alternativa pa hopi mucha na Aruba.
Directora di Childern’s House Montessori basisschool Yahaira Boekhoudt Peña ta duna di conoce cu su persona tin 9 aña caba cu ta docente di Montessori schools y 3 aña cu ta riba e di dos locacion unda cu na prome a cuminsa cu nos fortalesa pero April 2024 a dicidi cu ta habri su mes un scol cu awe yama Childern’s House Montessori y esaki ta significa cu e tin un scol independiente na e momentonan aki.
Montessori schools na Aruba ta un scol alternativo na Aruba y ta enfoca hopi riba e muchanan. Ta duna e mucha tur e atencion y guia cu e mester. Na momento cu e mucha ta super sabi por bay riba su nivel pa asina e sigui crece y tambe ora e mucha ta un poco mas slow tambe ta bay riba e nivel di e mucha. Na final tur mucha ta bay haya e mes un les, na final esun cu a compronde e les den 1 dia of esun cu a compronde e les den 3 siman tog e muchanan a haya e mes un les.
Childern’s House Montessori ta un basisschool cu ta tuma muchanan di 6 pa 12 aña y pa augustus lo habri e seccion di kleuter cu ta muchanan di 3 pa 6 aña. E klasnan na Childern’s House Montessori basisschool ta basta chikito debi cu ta pone hopi atencion na e mucha. Na e momentonan aki e klas di e muchanan di edad di 6 pa 9 ta 20 mucha y practicamente tin 3 docente cu ta atende cu nan unda cu cada bes ta den grupo pa duna e muchanan e miho les cu tin. E klas di 9 pa 12 aña tambe ta 19 mucha y tambe tin 2 docente cu ta atende cu e grupo.
Segun Directora di Childern’s House Montessori basisschool Yahaira Boekhoudt e dia na e scol ta dunando lesnan chikito unda cu ta mira cu e mucha tin mester di atencion individual e por haya esaki durante e dia. Na momento cu e mucha caba Childern’s House Montessori basisschool e mucha por drenta e scol cu e mayor ta desea den bovenbouw, pero importante ta pa e mayor tin bon conexion cu e scol di kico ta e deseo pa sa con lo guia e mucha pa e nivel ey. Si ta desea di bay MAVO of de schakel lo mester practica hopi mas hulandes y si sigui e mes un direccion unda cu tin Montessori High school YNZ , pero tambe EDU Campus tambe ta un solucion unda cu ambos ta scolnan cu ta studia na Ingles.
Pa cualkier informacion semper por contact Directora di Childern’s House Montessori basisschool Yahaira Boekhoudt na 5611590 y e email childernshousearuba@gmail.com
