Charlene Oduber a nace y lanta na Aruba den e bario di San Nicolas, pero a bay biba na playa cabasu scol y bay Hulanda pa sigui studia despues. Despues a dicidi di bin biba na Aruba unda cu a keda for di 2009 te cu 2015 cu un meta su tras pa yuda su pais, pero lamentablemente a bay Hulanda back mirando e situacion y e mentalidad di Aruba cu te ainda ta causando Aruba daño inreparabel.
Mi ta stima mi pais Aruba, pero na momento cu bo ta sali bay studia na Hulanda y bini back e ta crea un impacto mirando con e desaroyonan aki na Aruba ta tumando luga. Na momento cu bo ta bay studia na Hulanda bo ta inverti den bo mes y lo mester bin back pa inverti den bo pais. Den e caso aki duna back na bo pais. Lamentablemente Aruba no ta habri pa innovacion y e ta un lucha na momento cu ta bin di un pais desaroya y ta mira e kibra nan cu Aruba tin y por drecha esaki pero e cultura mes ta impone pa innovacion nan nobo pa e pais.
Esaki tin di haber hopi cu e mentalidad cu nos ta hiba na Aruba. Miedo tambe ta un parti cu ta hunga un rol y e enfoke hopi biaha no ta pais Aruba mes den su totalidad, pero personelijk. Esaki sigur ta parti di conscientisacion cu nos mester sa cu na momento un pais ta sali padilanti nos tur ta sali padilanti y no na momento un persona individual sali padilanti ta significa cu nos tur ta sali dilanti, pero un dia nos y of futuro generacion lo bay depende di e persona ey den futuro, esey sigur no ta un meta pa un pais y of un gobierno cu kier bon pa si hendenan.
Esaki ta motibonan cu Charlane Oduber a dicici di bay Hulanda back y durante di tur e añanan aki aunke hopi situacionnan pisa a pasa personalmente cu ta un di e motibonan principal cu a bay Hulanda di otro banda hopi porta a habri tambe riba mercado laboral unda cu a ser pidi pa haci proyectonan cu awe nunca a biba pensa cu lo por bay haci. E mundo di politica semper a siguimi tanto na Aruba y Hulanda, na varios ocasion mi a ser pidi, Charlena Oduber a duna di conoce. Sinembargo awe por bisa cu a acepta e reto pa drenta politica na Hulanda den e partido di mas grandi na Hulanda cu ta VVD.
Pakico a dicidi VVD na final, segun Oduber mi a haci un investigacion di kico ta pas na mi persona como politico, esaki sigur ta libralisme un partido liberal cu Oduber ta sinti cu e por biba cu nan goalsnan y nan principionan como partido. Actualmente Oduber ta miembro di VVD caba y di miembro di VVD a bira miembro activo y a participa den diferente parti den e eleccion ultimo pa un candidato di Roterdam y cu actualmente a bira minister.
Sinembargo tin tempo bon y tempo malo, despues di eleccion a haya long covid y mester a hala atras un rato pa salud y keda trata, mirando cu a bira hopi malo. Sinembargo e partido a keda pendiente di Oduber y riba un diadomingo a ricibi e noticia cu nan a acepta Oduber den e lista di VVD como politico. Aunke cu ta politico di Hulanda y unda cu nan ta wak potencial den su persona, pa Oduber mes e ta keda cu su focus pa Aruba y cu e por haci cosnan grandi pa Aruba. Na Hulanda asina cu bo drenta e arena politico e persona ta drenta e training instituut prome unda cu ya caba Oduber a cuminsa cu ne. Asina VVD ta prepara su candidatonan den diferente area cu coachnan certifica hunto cu e lidnan di tweedekamer y asina poco poco ta sigui crece y ta practica loke ta e politica di Hulanda. Na e momentonan aki Oduber ta na Aruba di vakantie y ta disfruta di su pais natal hunto cu su pareha. Sinembargo ainda ta mira cu Aruba ainda tin un problema di identidad. Hopi biaha ta yama Hulanda como mama patria y despues ta papia cu Aruba ta igual den reino, segun Oduber nunca un yiu no ta igual cu un mama. Un mama ta criya un yiu pa e bira independiente, esaki ta conta mes un cos cu Hulanda y Aruba.
Sinembargo loke cu no por kita for di bista ta cu un mama den e caso aki Hulanda lo keda pa sostene su yiu, pero no pa criye mas como algo structural. E dos diferencianan aki ta locual cu mester ta cla den nos comunidad y na Hulanda sigur ta sinti e patronchi aki. Hopi biaha Aruba ta grita cu ta independiente, esaki no ta cuadra cu berdad. Sinembargo Aruba tin su Status Aparte cu ta un cierto autonomia, pero si mester wak e den bista Hulandes e ta trece cierto iritacion y e ta comprendibel, segun Oduber.
Oduber ta den diferente comision di VVD y aki ta caminda cu por splica y ta un influencia den e mundo politico pa e Hulandesnan compronde un poco mas e manera y pensamento di Aruba. Hopi biaha ta papia di Binnenlandsezaken koninkrijksrelatie BZK, pero lamentablemente e K di Koninkrijksrelaties ta pa show, segun Oduber di su banda e lo bay pone hopi enfoke riba esaki.
Importante ta pa cada pais acepta su posicion y no wak Hulanda como un enemigo, pero wak e como un partner y di ambos banda duna e aporte pa Aruba por sigui. Na momento cu acepta mas portanan por habri y na e momento ey tin oportunidad pa igualdad.
Charlene Oduber futuro Politico den Reino Hulandes riba e partido di mas grandi na Hulanda
