Cft a haci un bishita digital na Boneiro, Sint Eustatius y Saba

Colegio di supervision financiero di Boneiro, Sint Eustatius y Saba (Cft) e siman aki a hiba
combersacion digital cu e Colegionan Ehecutivo di Boneiro y Saba y cu e Comisario di
Gobierno di Sint Eustatius y su reemplasante. Como consecuencia di e restriccionnan di biahe
e bishitanan regular na e islanan no por a tuma luga, mescos cu na juni. A papia, entre otro,
tocante e consecuencianan economico, financiero y social di e pandemia di coronavirus.
Hulanda a pone compensacion na disposicion pa e disminucion di entrada di e tres entidadnan
publico.
Boneiro
Pa e ciclo di presupuesto y hustificacion di Boneiro mester di mas atencion. No tin mehoracion den e
maneho financiero. Cft a urgi Colegio Ehecutivo pa realisa esaki toch ainda y a corto plaso, y pa haci uzo
optimal di e medionan financiero amplio y di e capacidadnan gubernamental administrativo. Ademas,
mester yena e vacaturanan di e funcionnan clave den aparato gubernamental adecuadamente mas
pronto posibel.
Cft a bolbe urgi pa mehoracion den e empresanan publico. E mehoracionnan aki ta concerni e guia, e
maneho financiero, e elaboracion na tempo di e cuentanan anual y e yenamento di e vacaturanan den e
huntanan di comisario.
E proyecto di presupuesto di Boneiro entrega pa aña 2021 ta balansa, tambe debi na kitamento di 1,9
miyon dollar di e reserva general destina pa tal fin. Cft a duna su conseho tocante e proyecto di
presupuesto aki dia 12 di october.
Sint Eustatius
Cuminsando cu aña presupuestario 2021 Cft lo bolbe desempeña un papel di consehero den e proyecto
di presupuesto di Sint Eustatius. Den e combersacion di dia 27 di october e Comisario di Gobierno y su
reemplasante a informa Cft tocante e progreso realisa entretanto riba tereno di finansa y tocante nan
puntonan di atencion principal pa continuacion.
Saba
Cu Saba a papia tocante e problemanan cu Colegio Ehecutivo ta experencia pa balansa e presupuesto.
Particularmente Colegio Ehecutivo a señala e gastonan di explotacion y di mantenemento di e
instalacionnan publico fisico realisa den e ultimo añanan pa cuenta di Hulanda. A entrega e proyecto di
presupuesto di Saba pa aña 2021 cerca Cft pa duna su conseho.