CEO di AHATA Tisa LaSorte: AHATA ta sugeri pa caba di traha riba un bon ley di BTW y introduci esaki pa prome di januari 2024

Hotel y restaurantnan specificamente ta exclui BBO for di BBO, segun CEO di AHATA Tisa LaSorte, loke cu por a tuma nota den e conferencia di prensa ultimo cu gobierno a anuncia cu e hotelnan y restaurantnan por kita for di nan winstbelasting, pero na mes un momento segun LaSorte loke cu mester agrega riba esey ta, pa cuminsa e compania mester haci un ganashi prome cu por trek af di e winstbelasting. Na momento cu hisa gasto automaticamente ta baha e ganashi di e companianan.

Segun CEO di AHATA na momento cu ta hisa gasto ta bay tin menos ganashi pa e ora por bay trek af for di windsbelasting y asina mes na momento pa trek af ta un parti so ta haya bek cu ta di 2%,  dus no ta tur e gasto ta cubri.

Loke cu ta importante pa sa cu e gastonan pa e sector di horica cu ta e restaurantnan y hotelnan lo subi y no lo por haya e cantidad cu gastonan ta subi bek y no henter e cantidad tampoco. Pa e motibonan aki gastonan ta subi, prijsnan ta subi y na final ta haci Aruba mas caro.

Den tur e proceso aki actualmente AHATA no tin e garantia cu lo bay introduci un BTW den futuro,  pero AHATA ta para pa un bon BTW, dus un BTW apropia y corecto. Raad van Advies a bisa mes un cos den su advies pa gobierno riba e ley aki cu tin den parlamento actualmente.

AHATA ta di acuerdo cu Raad van Advies  cu e miho sistema pa Aruba ta un BTW. Na mes un momento berdad cu a sali na cla cu un BTW pa Aruba awor aki ta crea un inflacion mas halto, pero AHATA ta di opinion di loke cu por a mira e estudio cu a haci di e efecto di BTW riba inflacion tabata e tarifanan cu gobierno tabatin diseña e tempo ey , dus a tuma un plan cu tabatin di BTW y esey a laga un experto studia pa wak su efecto inflatorio.

Sinembargo AHATA ta di opinion cu e plan cu tabatin no tabata e plan corecto pa BTW. AHATA ta sinti cu si tin un plan corecto di BTW cu un tarifa acopla sigui baha gasto di gobierno y otro medidanan esey lo ta un miho decision pa Aruba y Raad van Advies ta bisando mes un cos den e caso aki y ta avisa tambe pa no introduci ley di BBO na frontera. E sugerencia ta pa caba di traha riba un bon ley di BTW y introduci esaki pa prome di januari 2024.