CEO di AHATA Tisa LaSorte: AHATA ta invita minister di Finansas pa bebe un coffie

CEO di Aruba Hotel and Tourism Association (AHATA)  Tisa LaSorte ta duna di conoce cu AHATA no a haya e posibilidad pa sinta cu Minister di finansas, sinembargo AHATA tin e deseo ainda pa sinta cu e mandatario y ta haci un invitacion na e mandatario pa pasa bebe un coffie na AHATA.

CEO di AHATA Tisa LaSorte ta kere cu ta importante pa dialoga cu otro y ta na mesa diferente solucionnan ta keda crea. Na momento cu ta informa y vocifera e preocupacionnan ta paso tin preocupacionnan cu ta biba bao di e miembronan di AHATA.

AHATA si tabatin un reunion cu departamento di DIMP como AHATA y a expresa algun preocupacion pero na mes un momento ta sinti cu for di e resultado di e combersacion cu a tuma luga no tabata necesariamente na beneficio di AHATA.

Tin momento cu AHATA ta expresa diferente puntonan pero na mes momento no ta sinti cu gobierno ta incorpora punto di AHATA den decisionnan cu AHATA ta recomenda. Sinembargo AHATA ta kere cu e comunicacion por keda den un manera constructivo di un manera positivo pa un solo meta cu ta bienestar di Aruba.

AHATA tambe tin un link hopi mas cerca cu minister di Turismo y economia unda cu ta traha hunto riba proyectonan sano pa turismo di Aruba, pero pa loke ta trata e BBO na frontera AHATA ta kere cu no ta na su luga pa pone responsabilidad riba minister di turismo pa comunica riba e preocupacionnan fiscal.