CEO Aruba Tourism Authority (A.T.A) Ronella Croes: Conscientisacion pa stimula separacion di sushi importante

Aruba Tourism Authority (A.T.A) ta uni su mes na e campaña nacional “Limpi Limpi. CEO di A.T.A Ronella Croes den conferencia di prensa ta duna di conoce cu e campaña ta importante pa A.T.A y turismo. Un di e puntonan cu A.T.A ta pone accento riba dje ta cu Aruba por provee un experencia inolvidabel na tur bishitante di Aruba, pero tambe sin lubida cu A.T.A ta para pa tambe salvaguardia un calidad di bida pa nos mes un comunidad.

Parti di biba riba un Aruba limpi ta importante pa nos bishitantenan pero tambe pa nos comunidad. Pa e motibo aki mes A.T.A pa varios aña caba tin diferente accionnan cu ta enfoca riba limpiesa di nos pais, esaki ta hacie di e manera unda cu ta coloca diferente bari di sushi rond di Aruba.

Actualmente tin un cantidad di bari di sushi rond di Aruba unda cu no solamente ta permiti e usuarionan pa haci uzo di esaki, pero ta stimula tambe separacion di sushi. Segun CEO di A.T.A Ronella Croes, por pensa riba diferente di e barinan aki cu ta primordialmente cu ta situa den diferente zona unda e beachnan ta.

A.T.A ta haci peticion na tur usuario di beachnan di Aruba pa separa e sushi di plastic, aluminium for di restante di otro sushinan. Segun CEO di A.T.A por bisa cu e usuarionan por lo general ta respeta esaki, pero ta mira cu tin mester di mas conscientisacion riba e area aki.

Aruba Tourism Authority (A.T.A) ta uni su mes na e campaña “Limpi Limpi” no solamente pa explora con lo por bay coloca mas bari di sushi, cu ta un di e peticionnan cu a ser haci tambe y A.T.A lo analisa esaki debidamente, pero na mes momento ta kere ta importante pa stimula e separacion di sushi.

E sushi cu ta keda colecta na e momentonan aki ta keda haci door di un fundacion kende ta recicla e plastic y ta entrega e restante di material na otro instancianan cu por haci algo cu e sushi respectivo.

Segun CEO di A.T.A Ronella Croes banda di esaki por mira con por amplia conscientisacion bao di nos comunidad pa asina bao di e capa aki por brinda e plataformanan di A.T.A pa informa e comunidad di Aruba y e bishitantenan di tur locual ta Aruba su maneho y na mes momento stimula e comunidad y e bishitante pa yuda tene Aruba limpi y haci Aruba limpi unda cu e ta sushi.

Segun CEO di A.T.A Ronella Croes banda di esaki e programa di certificacion cu A.T.A ta provee pa medio di Aruba Excellence Foundation lo mira e posibilidad pa por hinca un componente di loke ta trata e limpiesa di nos Pais y e importancia di esaki y di e manera aki sigui stimula conscientisacion di e manera aki. A.T.A sigur lo duna su granito na e campaña “Limpi Limpi “ tanto pa ciudadanonan di Aruba mes pero tambe na e 1.8 miyon bishitantenan cu Aruba ta ricibi pa aña.