Na rooi Koochi un patruya a yega y a papia cu e doño di e cas menciona. El a declara cu dia 4 di maart 2024, mas o menos 4:30 or di mainta, el a tende un zonido fuerte pafo di su cas. E tabata kere cu e tabata e truck di e compania di sushi. E mesun dia, alrededor di 04:45, el a sali pa controla e pafo di su cas a bin topa dos bala di hero y dos saco di grano di cacho na e banda pazuid di su cas. E homber a declara cu e productonan menciona no ta di dje. Ademas el a declara cu algun dia pasa un ladronicia a tuma luga na un Pet Shop. E tabata sospecha cu e articulonan menciona anteriormente tabata di e Pet Shop. E patruya presente a notifica central di polis riba e situacion y e articulonan a keda tuma den beslag .
Central di polis a dirigi patruya pa Rooi Koochi pa un situacion sospechoso
