Universidad di Aruba recientemente a tene su Ceremonia Anual
di Tesis pa honra e logronan excepcional di su studiantenan. E mentenan briyante aki a
demostra progreso academico remarcabel, pensamento innovativo, y un buskeda di
conocemento ilimita.
E reconocementonan, gesponser pa CATC, SETAR, RBC, van Eps, ATA, Wow
Cosmetics, y Universidad di Aruba, ta reconoce y premia studiantenan cu a produci
trabao di tesis excelente. Door di reconoce nan trabao y dedicacion, Universidad di
Aruba tin como obhetivo inspira futuro generacionnan di studiante pa alcansa strea.
Nos kier expresa gratitud sincero na Sr. Nicola Roger Grigoriu pa su bunita
presentacion di violin cu a pone e tono pa e anochi aki.
Nos lo duna un bista general y introduccion di cada studiante, nos ta masha orguyoso
di presenta nan na comunidad y duna informacion tocante nan tesis.
SISSTEM-Alexandra Ulacio
Alexandra Ulacio ta un studiante di Bachelor dedica di SISSTEM na University di Aruba.
Reconoci pa su excelencia academico y curiosidad intelectual, Alexandra a ricibi E
Reconocimento di Tesis pa su contribucionnan remarcabel na investigacion. Su tesis,
titula “Sorting Waste in a Smart Way: Conceptual Design of a User-Centered Smart Bin
for the Improvement of Waste Sorting for Small Island Communities,” ta trata
problemanan critico dentro di e proceso di maneho di desperdicio, cu un habilidad
remarcabel pa atende cu problemanan compleho cu acercamento innovativo.
El a compromete su mes constantemente cu e investigacion durante su carera
universitario, poniendo balansa entre curso riguroso y estudio practico den veld,
pasantia y trabao den laboratorio. Su tesis a implica un analisis profundo di dato,
estudio den veld y un comprension profundo di e idea di diseño. E proyecto aki ta
destaca su habilidadnan tecnico y su dedicacion pa uza ciencia como herment pa un
cambio positivo.
Social Work & Development: Evilienne Werleman
Evilienne Werleman ta un studiante dedica di UA y actualmente e ta cursando su
maestria den Trabao Social na na Hulanda.
E biahe academico di Evilienne a cuminsa na 2019, marca pa su descubrimento
personal y su exploracion profesional. Aunke na principio e tabatin pasion pa Trabao
Social, un programa di intercambio na Alemania a pone den duda pa un tempo. Sin
embargo, a traves di introspeccion y perseverancia, el a reafirma su compromiso cu e
veld.
Regresando na su estudio, Evilienne a drenta cu vigor y determinacion renoba. Su
cualidadnan di liderazgo, iniciativa y caracter solidario a convertie den un figura
invaluabel pa su departamento. E dedicacion aki ta evidente den su excelente
desempeño academiconan, cu ta establece un standard halto pa su coleganan.
Mientras Evilienne ta continua cu su programa di maestria, nos ta anticipa cu
entusiasmo e impacto positivo cu sin duda e lo tin den veld di Trabao Social.
FHTMS-Xyanthe Laclé
Xyanthe ta un excelente studiante apasiona pa e industria di turismo. Despues di
realisa e valioso investigacion tanto pa nos programa como pa e industria, Xyanthe a
ricibi un puesto como asistente administrativo di Recurso Humano na Embassy Suites,
na unda el a realisa tambe un pasantia prome cu completa su tesis: un gran Swiftie (un
fan grandi di Taylor Swift) y un ser humano maraviyoso.
Facultad di Derecho-Joselynne Croes
Joselynne Croes a cuminsa cu su estudio di ley na nos facultad na 2018. El a defende
su tesis di maestria titula " Compulsory Vaccination and the Law: Can these two go hand in
hand on Aruba? Research into the possibility of introducing compulsory vaccination on Aruba"
" di 2 di november de 2024. El a seleciona e tema di su tesis pa motibo cu e tabata
masha interesa pa sa, despues cu e mes tambe a sali recientemente di e pandemia di
COVID y di e discusionnan cu a tuma luga en torno di e vacunacion, si lo tabata posibel
introduci un "obligacion legal vacuna" na Aruba.
Joselynne a wordo selecciona como ganado di VanEps premio pa tesis di aña
academico 2023-2024. E tabatin un competencia fuerte. E demas nominadonan tabata:
Linda Prinsenberg cu su tesis titula "Uitverkoop van Europese waarden: een gouden
paspoort voor iedereen!”
Marline Dimanche cu su tesis titula "Bescherming of beperking? Het geschil tussen het
gegevensbeschermingsrecht en de persvrijheid in Aruba. Een onderzoek naar in
hoeverre de invoering van een media -en Privacyverordening in Aruba kan bijdragen
aan het bemiddelen van een bestaand geschil tussen het gegevensbeschermingsrecht
en de persvrijheid." (Un investigacion riba con leu un ordenansa di media y privacidad
por aporta na intermedia den un disputa existente entre e ley di proteccion di dato y
libertad di prensa).
Britney Bontekoe cu su tesis titula "Gezichtsherkenning en het nemo tenetur beginsel"
Wendrick Cicilia cu su tesis titula " titled "Ombudsman of Ombudsmuis?? Een juridisch
onderzoek naar de verenigbaarheid van de Arubaanse Ombudsman met de Venetië
Beginselen". (Un investigacion juridico tocante e compatibilidad di Defensor di Pueblo di
Aruba cu e Principionan di Venecia).
Michella van Loon cu su tesis titula "Voldoet de Arubaanse wetgeving aan de
verdragsvereisten van het Verdrag van de Raad van Europa inzake het voorkomen en
bestrijden van geweld tegen vrouwen en huiselijk geweld?" (Un investigacion si
legislacion di Aruba ta cumpli cu e rekisitonan di e Conbenio di Conseho di Europa pa
preveni y combati violencia contra hende muhe).
Faculty of Finance, Accounting, banking and marketing management- Astrianty Croes
E presencia di un persona cu un bon base di educacion di cas, combina cu un
formacion academio ta yuda habri porta cu pa un otro persona ta mas difícil pa habri.
Esaki ta e caso di Astrianty Croes. Astrianty a haya e oportunidad pa haci un
investigacion extensivo riba e introduccion di un producto nobo di pensioen pa un
compania di seguro y pensioen. Den su investigacion, el a considera e structura,
bentaha, desbentaha y otro componente importante di e producto aki. Door di adkiri un
conocemento mas profundo riba e materia aki, Astrianty a logra contesta e siguiente
pregunta central di su investigacion, cual ta: Con factibel ta pa cu e introduccion di un
producto nobo di pensioen, y kico por ta e implicacionnan pa e compania di seguro y pa
e clientenan di pensioen?
E investigacion a trece dilanti un conclusion profundo manera tambe
recomendacionnan valioso pa e compania di seguro y pensioen.
Esaki a laga un bunita impresion atras no solamente pa su persona, pero tambe pa e
departamento di FEF – Accounting, Finance and Control.
Masha Pabien na señorita Astrianty Croes.
OGM (Organización, Gobernanza y Gestión) – Denise Rafael
Denise, un studiante dedica cu etica solido di trabao y un spirito alegre, a impresiona
nos constantemente desde cu el a drenta OGM. Su compromiso cu excelencia tabata
evidente durante su programa di intercambio na Hulanda, na unda el a adkiri un
experiencia valioso haciendo practica na e prestigioso Hotel Hyatt. Di regreso, Denise a
pasa sin problema investigacion di su tesis sin problema, demostrando un enfoke y un
determinacion solido. Su trabao excepcional ha culmina cu e merecido honor di e Miho
Tesis.
