Local

Celebracion na biblioteca

Astrid Britten

Biblioteca Nacional Aruba ta celebra e hecho cu señora Astrid Britten a wordo nombra como director 20 aña pasa. Esaki a sosode dia 1 di november 2003. Minister di Enseñansa e tempo aya, señor Fredis Refunjol, a anuncia esaki durante conferencia di prensa semanal di prensa. 

Sra. Britten ta refleha: “E ta un privilegio y un honor grandi pa por lidera nos Biblioteca Nacional Aruba y su team ya caba pa 20 aña. Alabes, dia 10 di november mi ta cumpli 36 aña di servicio. Mi ta enormemente agradici na mi mayornan d.f.m, mi rumannan, mi casa y mi yiu muher Emilaine cu semper a sostenemi incondicionalmente. Naturalmente tambe mi kier gradici Staff y personal di Biblioteca Nacional Aruba. Sin nan no tin biblioteca. Na tur esnan cu a bay nos dilanti, esnan cu a yega nan edad di pensioen y otronan cu a opta pa bay cu VUT. Danki pa boso dedicacion y aporte na trabou di Biblioteca y particularmente mi kier para keto tambe na dos persona cu tey cumi ya pa 20 aña den e funcion di directora, hefe suplente sra. Lilian Semeleer y mi secretaria, sra. Lenchi Lopez. Mi ta sigui dirigi cu un sentido critico y tambe cu pasion y amor pa cu trabou di biblioteca hunto cu personal di biblioteca. Semper keda habri pa oportunidadnan, inova y traha hunto.” 

Related posts

Polis: Lo kita tur borchi sin permiso for di caminda publico

EA News Author

Parlamentario Ricky Hoek (MEP): Prensa como e di 4 pilar den e Trias Politica

EA News Author

Recientemente Delta Aruba Leo Club a huramento 6 hoben como miembro nobo

EA News Author

Leave a Comment

Whatsapp Message