Na biblioteca nos ta join e celebracion Dia di Himno y bandera diasabra dia 18 di maart. Nos ta invita comunidad pa pasa un rato cu nos. Portanan ta hancho habri diasabra cu un programa musical, weganan popular, cuminda crioyo y cos dushi y un Mercado di Buki segunda mano. E programa ta di 9or di mainta te 2 or y mey di merdia.
Musica
Diferente banda ta toca ‘en bibo’ for di 11 or. Invitadonan ta bandanan ‘Robert Maduro y su grupo’, ‘Sonido di Antaño’, ‘Tradicion musical’ y ‘Tipico Ayo’.
Mercado di buki segunda mano
Pa tur amante di buki, biblioteca ta organisa su Mercado di Buki segunda mano riba ‘Dia di Himno y bandera’. Un bunita oportunidad pa busca den un cantidad grandi di buki pa algo interesante y diferente. Tin bon buki sigur sigur! Bukinan ta bay na prijs di 1 florin pa buki. Bishitantenan por busca den un coleccion grandi di buki di tur topico. Tin algo pa tur gusto y interes.
Weganan popular
Boluntarionan di Hunga Teca ta percura pa nos tur por hunga weganan popular riba e dia aki. Hunga Teca ta ubica den edificio di biblioteca awor, desde januari 2023 y ta habri 3 biaha pa siman. Dialuna y diaranson di 4or pa 7or. Y diasabra mainta di 10 or pa 1 or. Weganan popular ta tuma lugar pafo, dilanti di biblioteca riba stupi.
Pues, di 9or di mainta pa 2or y mey di atardi. Un y tur ta bon bini!
