CBS Corsou ta presenta informashon nobo tokante e uso di platformanan di medio sosial pa Kòrsou

Ofisina Sentral di Statistik (CBS) Kòrsou a tene Enkuesta di Forsa Laboral (AKO) na Kòrsou entre òktober 2022 pa febrüari 2023. Durante di Enkuesta Forsa Laboral di 2022 a añadí 3 pregunta tokante e siguiente tópikonan: Medionan Sosial, koheshon Sosial i Pobresa. Awe CBS ta presentá algun resultado di Uso di plataforma di medio sosial na Korsou pa aña 2022: E sinku plataformanan di medionan sosial mas usá na Kòrsou na 2022, tabata WhatsApp (80,5%), YouTube (71,6%), Facebook (62,1%), Messenger (49,2%) i Instagram (37,8%). En general, uso di tur plataforma di medio sosial a subi bou di e poblashon di 5 aña p’ariba. Uso di medio sosial pa kada sekso En general, no tin masha diferensia den uso di e plataformanan di medio sosial a base di sekso. Ta pa e plataforma Pinterest so tin un diferensia grandi entre e kantidat di hende muhé i hende hòmber di e poblashon ku ta us’é. Mas tantu hende muhé (26,7%) ta usa Pinterest kompará ku hende hòmber (11,6%).