ORANJESTAD,Aruba
Parlamentario Endy Croes ta amplia riba kehonan publico cu ta keda drenta vociferando nan mes fuertemente contra Ministerio Publico. Como politico nos ta respeta “Trias Politica” y ta brinda Ministerio Publico tur espacio pa hasi nan trabou. Pero momento pueblo ta cuminsa punta dede fuerte den direcion di politiconan cu e pensamento cu ta politiconan no ta hasi nan trabou nos mester reaciona cu preguntanan publico den direcion di Ministerio Publico pa asina Ministerio Publico por contesta precupacion di pueblo pa asina clarifica e opinion publico.
/// Desde April 2019 ALexander van Dam a bay y cos a manera lens:
Pueblo ta vociferando fuerte riba casonan grandi pendiente cual den aparecer di pueblo ta tumando demasiado tempo. Tanto na radio pero tambe personalmente politiconan ta wordo ataca cu avalancha di critica den direcion di Ministerio Publico. Semper nos ta pidi comprension pa Ministerio Publico y ta splika pueblo na placa chiquito cu Ministerio Publico ta independiente y tin su propio proceso y trajecto. Desde April 2019 PG Alexander van Dam a retira y e sentimiento di pueblo ta cu desde e tempo ey tur cos sea a tranca of a cambia den Ministerio Publico. Ta e momento oportuno pa Ministerio Publico duna un “update” di casonan grandi pendiente y den tur transparencia crea e brug y confiansa bek den pueblo.
/// Politica no mag di infiltra den Ministerio Publico:
Dia pa dia e pueblo ta critica Ministerio Publico mas y mas alegando nan cu politica. Parlamentario Endy Croes ta distancia su mes di dicho pensamento como cu nos ta kere den nos proficionalnan y nan proficionalismo. Na mesun momento pueblo ta expresa nan mes riba diferente actornan cu ta traha den Ministerio Publico. Nombernan den funcionnan clave cual constantemente ta wordo hopi menciona ta Yolanda Pronk, Dinotra Herde (Jui di Baba) y Esther Schwengle ruman di Dr Schwengle. Tur enrealidad liga basta di serca cu AVP. Pueblo ta keda manifesta su precupacion y no ta descarta cu esaki por causa tardanza den lokual pueblo kier mira cana mas liher. Hasta ehempel di Ministerio Publico di Corsow ta keda constantemente menciona como comparacion.
/// Casonan IBIS, AVESTRUZ y Wasmachine mester mira luz di dia:
Casonan grandi di corupcion y fraude di x ministernan di AVP ta andando. Por ehempel keho den e caso IBIS di Paul Croes a wordo entrega desde Augustus 2015 y tin sentencia den corte mientras ta enespera keto bay di Hoge Beroep. Caso Avestruz cu Benny Sevinger como e actor principal den corupcion cu terenonan di pueblo desde Februari 2018 a inicia y ta enespera pa wordo presenta dilanti mesa berde. Ambos tumando demasiado tempo. Recien a pone man riba pruebanan di e caso “Wasmachine” di Mike Eman unda Mike su Fundacion a ricibi masha hopi plaka di Roberto Rincon y a usa plaka “preto” pa cumpa votos den elecion na 2013. Nos no mester lubida clausura di campaña di AVP cu un lighting parade cu 13 banda musical. Pueblo ta exigi klaridad riba esakinan. Parlamentario Endy Croes ta pidi pueblo pasenshi pero den mesun rosea ta pidi Ministerio Publico pa tur trankilidad bin dilanti y duna un update.
