Ya caba tin tres luna desde cu autoridadnan local a tira un inval pa detene e funcionario policial Vos. Y te dia di awe OM no kier expresa nan mes riba e caso aki cu ta herméticamente cera mescos cu e caha fuerte di un avion.
E hermetismo aki no ta usual ni norma. Ya caba for di prome momento di su detencion, a dicidi di manda Vos pa KIA. Esaki no ta normal, pero comprendibel pasobra ta trata di un funcionario policial. E no ta bay pa un trato preferencial pero probablemente ta pa evita tambe cu e investigacion den e caso aki ta wordo contamina. Pa motibo cu ta sospecha cu e caso di Vos tin un rabo largo unda lo tin mas funcionario policial envolvi. Inclusivo personanan di rango halto.
E prome informacion ricibi, y e poco cu a haya for di Ministerio Publico, ta cu ta trata aki di un caso di traficacion di hende. P’esey a tira un inval na su cas pa busca e pruebanan incriminatorio. Aparentemente, pasobra autoridadnan no kier duna informacion, a haya na su cas laptop y portofoon di un colega di dje cu a bay Hulanda y a laga esaki atras cerca dje en bes di entregue na e departamento for di cual el a hay’e.
Ta menciona cu e lo tin un arma di candela tambe di e mesun polis cu a bay Hulanda tambe. Pero esaki OM no duna un confirmacion di dje, pero tampoco di henter e caso OM no ta dunando informacion riba dje y ta hermeticamente cera pa cuida e investigacion.
E Polis a keda deteni dia 20 maart 2023 y normalmente e procedura na momento cu bo cay cera despues di 3 dia ta bay dilanti Hues Comisario y si tin indicacion di pruebanan ta haya 8 dia mas, mas 8 dia y despues 8-8-16 -60 y na momento bo haya 60 dia ta manda e sospechoso bay KIA
Sinembargo Vos a bay mesun dia na momento cu nan a detene. Investigacion ta andando fuerte unda cu varios Latop a bay Curacao y un laptop specifico a bay Hulanda pa investigacion y tur link y señal cu por a eherce durante cu e tabata na cas di VOZ .
Ultimo añanan autoridadnan a concentra hopi riba e delito, cu ta esunnan cu ta yuda personanan drenta Aruba (contrabanda) of cu ta busca e hendenan aki pa traha, pero abusando di nan. Entre otro door di duna nan salario menos di loke ley ta prescribi y violando nan derechonan.
Tristo ta pa mira cu mas y mas ta keda descubri cu ta mesun hendenan di Aruba, y no latinonan ta esunnan cu ta hinca nan mes den tipo di casonan asina. Pio esun aki unda cu esun envolvi ta un fundacionario policial cu a huramenta pa cumpli cu leynan di Aruba, a huramenta pa combati iregularidad, pero ta yuda comete cosnan contra ley. Sinembargo un dia e caso aki lo keda presenta den corte di Aruba y asina Aruba lo por haya un bista mas di cerca di kico tur por a pasa den e caso aki.
