KRALENDIJK, Curacao
E popular politico Gerrit Schotte ta na remarca pa sali, cu uzo di un banchi, via cual por sigui’e unda cu e bay of move.
Pero ta resulta cu no tin suficiente banchi. Esaki ta nifica cu Schotte mester spera probablemente algun luna mas, locual sigur lo no cay na su agrado.
Banda di esaki tin colga e suma di 1.8 miyon cu e mester paga pa e no sinta e castigo adicional di tres aña cu ta colgando riba dje.
Ta bou investigacion e proceder di un Procurador General, cu defensa ta para riba di a actua robes, perhudicando Schotte. E ex politico den e caso aki por haci un caso di daño y perhuicio cu por trece p’e un suma cu ta surpasa e 1.8 miyon florin.
Defensa continuamente a mustra riba e pruebanan “incorecto” cu PG v.d. Schans a uza. E Fiscal Italiano tabata esun cu a contact PG na Corsou y a papia di informacion cu e ta dispone di dje. Pero defensa a bisa cu cos no a bay asina, ya cu ta PG a tuma contacto cu e Fiscal Italiano.
E informacionnan cu ta papia di dje ta transaccionnan inusual pa cu cuentanan bancario na Corsou.
Y ey, segun autoridadnan local, ta caminda cu e investigacion contra Schotte a cuminsa. Pues a cuminsa cu investigacion cu informacion cu no ta cuadra. Y riba e punto aki Schotte ta para pa e pidi daño perhuicio.
Si resulta cu no tabatin email, a cuminsa e caso contra Schotter riba informacion “spirito”. Te awo no sa unda e email a keda y kico tabata su contenido exacto