Cas ta pega candela y ta laga dos morto na Curaçao

Diabierna ultimo dia 25 di augustus 2023, alrededor di 23.43’or, Central di Polis a dirigi unidadnan policial y di brandweer pa Kaya Coleta V. Ostiana na Curacao pa un cas cu tabata na candela.

Na momento cu unidadnan y personal di brandweer a yega na e adres, nan a bin topa un cas na candela y dos habitante, un hende homber y un hende muhe, cu a wordo saca for di e cas, pero cu ya tabata inconsciente.

Ambulance a yega na e sitio, pero lamentablemente no por a haci nada mas pa e victimanan. Dokter di polis cu a haci acto di presencia, a constata morto di ambos persona.

Riba ordo di fiscal di Ministerio Publico, a confisca e curpanan, pa mas investigacion.
Pa motibo cu ainda famia no a identifica e dos curpanan, no por duna e identidadnan liber. Investigacion den e caso aki ta continua.