Cas di Cultura ta orguyoso di ta anfitrion di e grupo di entretenimento multicultural y e scol di baile di Samba, Fidelinas, cu ta bini for di Amsterdam. Fidelinas ta trese un celebracion vibrante di e cultura Brasileño cu nan presentacionnan unico y iniciativa educativo.
Funda cu un mision cla, Fidelinas tin como meta pa transforma entretenimento den un experencia inolvidabel pa tur esnan cu ta bin mira esaki na cas di cultura. Nan balornan di energia, pasion, y profesionalismo ta guia nan compromiso pa duna entretenimento di nivel halto na Hulanda y awo na Aruba lo duna un presentacion cu e mes un calidad pa e pueblo di Aruba.
Lo enfoca solamente riba loke nos ta excel den dje. Esaki ta nifica cu nos no ta haci tur cos, pero loke nos ta haci, nos ta hasié bon. Fidelinas Show Team ta entrena rigorosamente cada siman hunto cu e otro clubnan local tambe.
Den colaboracion cu partnernan local, Club di Movemento y musiconan di Scol di Musica Rufo Wever, Fidelinas ta presentá ‘Cultures of Carnival’. E produccion multidisciplinario aki ta explora e diferencia y similaridad nan entre carnavalnan di Brasil y Aruba, investigando preguntanan tocante raiznan cultural, reflexion mutuo y oportunidadnan pa siña intercultural.
‘Cultures of Carnival’ lo wordo presenta tres biaha exclusivamente pa studiantenan di scol primario, cu un demanda abrumador cu ta conduci na benta rapido. Ademas, Fidelinas lo organisá dos workshop di samba pa hobennan local di 8 pa 18 aña di edad, dunando talentonan aspirante e chens pa entrena bou di guia di bailarinnan profesional.
E siman ta culmina cu un presentacion publico di ‘Cultures of Carnival’ dia 30 di augustus, 8:00 pm, reuniendo tur elemento di e intercambio cultural. E invitacion ta pa e pueblo di Aruba bin wak e show unico aki na cas di cultura lo ta dia 29 y 30 di augustus
