Gobierno di Aruba a tene debidamente na consehonan di CAFT y no solamente den e carta cu a keda manda , pero den e memoria di splicacion presupuesto 2022 y a tene cuenta di locual ta e consehonan cu CAFT a brinda , pero no ta trata solamente di consehonan di CAFT pero di Raad Van Advies tambe. Pero tambe mester tene na cuenta cu gobierno a tuma na cuenta di e consehonan di CAFT ora cu nan a bini den e tratamento di presupuesto mes unda cu a haci cambio y a hinca esakinan den e presupuesto 2022 abase di e recomendacionnan di CAFT y tambe a duna splicacion ora cu a manda e uitvoeringsraportage di 4 di 2021. Den e parti aki tambe a pone e consehonan di CAFT. Minister Xiomara Maduro ta kere cu ta importante pa menciona e parti aki debi cu ta importante pa menciona esaki ta debi cu e carta cu a ricibi ultimo aki tabata un reconteo di tur loke ta e consehonan cu a wordo duna for di 2019 te cu na e momentonan aki. Den e consehonan aki CAFt a pone 13 punto di cual ta puntonan cu ya caba gobierno a yega di reacciona, tene cuenta cu nan y a haci sierto cambio abase di nan. Pesey mes na momento cu mira e carta ultimo locual ta e consehonan cu CAFT ta duna ta mira claramente cu CAFT ta resumi tur conseho cu ya caba a yega di wordo duna. No ta trata di cosnan nobo cu a bin acerca.
Carta di CAFT ta un resumen di 2019 pa awo y no tin nada nobo cu gobierno no sa di dje
