Carolyn Kelly yiu muhe di vicente kelly a fayece den exterior

Na nos mesa di redaccion a drenta e tristo noticia cu Carolyn Kelly a bay sosega. Carlolyn un persona alegre y cu ta gusta e temporada di fin di aña y tambe ta cantante prinsipal di chicas Gaiteras pa basta tempo na Aruba a bay sosega.

Carolyn tin un yiu na Hulanda actualmente. For di basta dia Carolyn tabata sinti un dolor den su bariga y ta haci diferente testnan na Aruba serca su dokter pero aparentemente tur cos tabata sali bon cada bes.

Sinembargo ultimo aki e la bay di vakantie cerca su yiu na Hulanda y despues a bay bishita Spanje y den un supermercado na Spanje e la bolbe haya e dolor cu normalmente e sa haya na Aruba y a zaak den otro. Cu urgencia a hibe hospitaal y e la drenta den cuido intensivo. Na momento cu a haci tur test pa haya sa con lo trata e pashent a resulta cu Carolyn tabatin problema cu su pancreas cu tabata conduci tur e dolornan durante basta tempo cu Aruba no por a constata. Na Spanja dokternan a haci lo maximo pero Carolyn tabata den un fase leu caba y no a logra keda na bida y a fayece.

Forsa na famia y conosiernan