Carlos Monk a reacciona dibia tras di loke cu Alvin Daal di partido PIN a bin cu ne padilanti. Calos Monk a splica ampliamente ta pa kico e tin e gana di sigui cana cu su casonan contra di henter e structura di gobierno.
Carlos Monk ta duna di conoce cu kisas otronan ta pensa cu e ta inventando cos , pero loke su persona ta haci ta pa sali na interes di pueblo. Segun Sr Carlos Monk e denuncia cu sra. Suzanne Camelia Romer y su gang a haci contra di su persona no ta contra di su persona nan a hasie , nan a hacie contra di pueblo.
Tin un ex minister cu a saca hopi for di pueblo su banco, un di su companianan cu e mes a lanta via di un otro compania, nos tin henter e structura unda cu blue factor a saca 6 miyon for di pueblo su banco, segun Carlos Monk na Korsou. Despues e mes un compania a atende cu sen di pencionado di aguaelectra via di vida nova un total di 10 miyon. Un di e puntonan cu sra. Suzanne Camelia Romer mester bin splica unda e sen ey a bay, segun Monk.
Den un forma structura e si ta keda viola ley di screening y ta haci tur sorto di delito contra di e pueblo di Korsou y pa e por scapa su mes e kier pa pueblo di Korsou sera su boca, segun Monk esey ta loke cu sra. Suzanne Camelia Romer ta haciendo na e momentonan aki. Segun informacion cu Carlos Monk ta duna di conoce cu sra. Suzanne Camelia Romer a bay pueblo su banco saca placa for di pueblo su banco y tambe kier a haci e mes un modusoperandus via varios compania, segun Monk.
Loke ta un realidad ta cu representante di pueblo a saca sra. Suzanne Camelia Romer for di gobernacion , no ta monk a hacie , ta e representante di pueblo a hacie pa su bagabunderianan cu e la haci tanto den e partido cu den gobernacion, esey no ta Monk a hacie. Representante di pueblo a cansa y e la sacabo afo di gobernacion y awor loke cu sra, Suzanne Camelia Romer su deseo ta pa sera pueblo su boca unda cu ta bay denuncia pueblo paso pueblo no tin mag di haci denuncia contra di bo , esey kiermen den fini manera lagabo haci tur cos, segun Monk esey no por paso wega a caba.
Sr. Carlos Monk ta conseha sra. Suzanne Camelia Romer pa busca un psycologo , bo kier atencion , pero bo no ta bay haya atencion mas, viahenan di placer pa india, australia ect ect a caba. Segun Monk , sra, Suzanne Camelia Romer mester trata di lanta tur mainta mescos cu tur hende muhe humilde na Korsou traha un coffie, muha mata ,dal e tayonan un laba , atende bo casa , segun Carlos Monk
Carlos Monk: Representante di pueblo a saca sra. Suzanne Camelia Romer for di gobernacion
