Rajeev Sanchez di Universidad di Curacao , Fleur Eichhorn di Universidad di Amsterdam y Eloise Torres di Universidad di Leiden a termina nan Caribbean Summer Court exitosamente.
E studiantenan universitario cu a studia derecho tabatatin tres siman cu nan a haci nan stage na cas di corte na Curacao. E studiantenan a haya un bista amplio riba e funcionamento di un sala di corte ta incera, e studiantenan tabata mag di asisti e hues den casonan manera secretario judicial y asina nan a conoce e equipo nan cu ta traha riba derecho civil,derecho Penal y Derecho Administrativo.
E ultimo dia di nan stage e studiantenan a prepara nan mes bon pa un practica di loke cu nan a siña. E studiantenan a participa den un caso unda nan a simula como Juez, funcionario y registrador di corte unda cu nan mester a pone esaki den practica. Despues cu nan a simula nan caso e studiantenan a wordo invita na un fiesta y un bbq na e hues su cas unda cu tambe nan a ricibi nan certificado cu nan como studiante a participa na e Caribbean Summer Court .
Tur hende a keda contento y ya caba a tuma e disicion pa cuminsa cu e preparacionnan pa otro aña unda lo organisa e Caribbean Summer Court un biaha mas . E obhetivo di e esaki ta , pa motiva nos studiantenan den e ramo aki pa nan ta parti di husticia di Caribe pa asina nan por haci un contribucion positivo na e sociedad di Caribe
