IBISA tabatatin lunanan hopi dificil, no tabata por a haci deporte den ningun manera debi na e situacion cu nos tur sa di COVID-19. Sinembargo William Erasmus di IBISA ta tratando di bin cu un actividad , pero teniendo cuenta cu tur e protocolnan cu DVG ta pone pa esaki por bira un realidad. IBISA lo tin un Betico Croes Memorial Race 2021 cu lo tuma luga virtual pa asina sigui promove movecion y pa actividad fisico. Ministerio di deporte y IBISA ta haya hopi importante cu hende mester keda move. Ta hopi importante cu e sistema aki por bay bon y pesey mes IBISA ta pidi tur esnan cu lo particiupa pa mantene nan mes na e reglanan pa asina mustra cu nos por mantene nos mes bon na e reglanan y asina IBISA lo por continua cu mas tipo di eventonan cu movecion virtualmente pa asina ciudadanonan por partisipa den actividadnan hunto cu IBISA. E Betico Croes Memorial Race 2021 ta un evento completamente gratis pero lo ta bay tin maximo di 500 partisipante cu por partisipa , pero nan no lo partisipa na e mes un momento. IBISA ta percura pa sierto areanan cu ta keda asigna e coremento y tambe pa biaha. Tur persona mester mantene nan mes na e reglanan di DVG y IBISA lo bay guia durante dia e actividadnan cu ta bay ta varios dianan di careda.
Edmond Jones coordinado di careda Betico Croes Memorial Race 2021 ta duna di conoce cu e anja aki e careda ta uno hopi diferente debi di e pandemia. Un total di 500 hende maximo por core y lo cuminsa dia 25 te cu dia 29 , esaki ta significa cu tur dia tin un cantidad di 100 hende ta core . E personanan cu ta dicidi di partisipa mester por ecoge e orario cu nan ta desea di core , e careda lo ta di 5 or di mainta te cu 10 or di anochi, e persona por ecoge sea e ta core den dia of anochi. Pa e careda nobo aki tin diferente reglanan nobo tambe cu IBISA a bin cu ne , esaki na momento di inscribi por ricibi esaki nan pa por cumpli cu nan tambe. E careda di 3 km ta pa muchanan di 14 pa 16 anja , 6-10km ta pa 17 anja bay ariba. NA final ta bay tin premiacion, pero tur e coredornan mester caba e careda pa asina nan haya nan medaya . Esnan cu kier mas informacion por subi riba e website nobo www.beticoloop.com cu por subi inscribi y haya tur e informacion nesesario pa cu e evento aki. bcmr.ibisa@ gmail.com ta caminda cu por haci pregunta pero tambe por duna reclamo
