Director KvK Martijn Balkestein den conferencia di prensa ta indica cu comerciantenan mes a indica e situacion cu comercio ta bibando den dje. Un riba cinco comerciante ta indica cu basicamente e proceso pa obtene un permiso mester wordo mehora. Sinembargo DPL y DIMAS actualmente ta trahando pa mehora e parti aki. Oficialmente e proceso ta tuma 10 siman pero e realidad ta cu e ta tuma mas tempo.
Tambe 16% di comerciantenan indica cu mester stop di construi hotel y condos. Tambe tin preocupacion riba e leynan di labor cu ta hopi anticua, rigido y no ta flexibel cu ta pone cu e nobo ta facilita e circunstancianan nobo cu ta bibando den dje actualmente. Sinembargo ta kere cu mester modernisa y tin flexibilidad.
Camara di comercio ta kere cu mester por duna mas training , pero no ta trata solamente pa un compania, gobierno so no mester haci esaki, pero nos tur conhuntamente mester por duna posibilidad na educacion y stimula training nan pa asina hisa e calidad di nos ciudadanonan. Training y educacion lo bay eleva e nivel di conocemento di nos ciudadanonan pa asina nan por yega na e rekisitonan cu e vacaturanan di diferente sector ta exigi.
Tambe mester keda stimula e entrepeneursnan. Pa por atende cu e situacion actual cu tin falta di personal na diferente companianan importante ta pa camara di comercio y otro stakeholdersnan ta hopi importante pa sa kico ta e causanan real di “ labor shortness” . Tin diferente aspectonan cu ta wordo treci padilanti y tin varios cu ta hunga un rol, un di nan ta cu e poblacion di Aruba ta birando bieu y tambe di nos forsa laboral. Hopi di nos no ta realisa cu e grupo di hende grandi ta subi y mientras cu hende nan jong ta baha.
Nos tasa di desempleo ta historicamente abao segun director di KVK Martijn Balkestein. Na aña 2022 tabatin 2330 hende desemplea actualmente ta den proceso pa mira cuanto e ta actualmente. Si mester mira e ultimo decadanan tabatin mas of menos 600 camber cu a keda construi den diferente añanan cu a triger mas of menos 1500 persona por a haya empleo den e sector hotelero. Pa aña 2023 te cu 2028 ta pre mira cu e construccion ta acelera rapidamente unda cu ta planea pa construi 1700 cambernan pero pa por run e cambernan aki mester tin mas of menos 4 mil empleado cu ta cay den e direct sector, pero den e indirect sector lo e ta hopi mas.
envehecemento di nos poblacion y forsa laboral ta grandi na Aruba, berdad ta cu e ta pasando rond di mundo , pero e realidad ta cu na Aruba e ta canando hopi mas rapido compara cu cualkier otro pais rond mundo. Segun director di KVK Martijn Balkestein tur e efecto aki ta bin debi cu na Aruba e poblacion no ta hayando yiu, e cantidad di yiu cu un mama a haya a baha di 6 yiu promedio pa 1.7 yiu den menos cu 15 aña y na Europa esey a tuma 100 aña, esaki kiermen cu e velocidad di envehecemento ta sumamente halto na Aruba.