Diabierna den oranan di merdia Brandweer a wordo notifica di un candela grandi; riba e tereno di Fantastic Garden.
Na yegada di bomberonan, mesora nan ta nota cu nan lo bay tin mester di mas unidad, mirando e magnitud di e candela.
Locual a pega candela tabata un cero grandi di ramanan di coco. Pa e candela no expande a manda dos unidad di brandweer pa atende cu e candela mirando cu ta trata di un mondi y tin yerbe y mata rond.
Polis tambe a wordo avisa despues, cu a haya e tarea di cera ambos banda di e caminda pa evita auto pasa y causa daño tambe na e slangnan di brandweer cu tabata ariba caminda pa por atende cu e asistencia. Pero sinembargo Bomberonan despues di algun rato a domina e candela.
Pa straño cu e ta zona den e ultimo dianan Brandweer tin man yen cu diferente candelanan rond di Aruba. Banda di ya caba cu e sfeer ta cayente cu e candela e ta haci mas efecto.