Den oranan di madruga tabatin un candela grandisimo cu a terorisa area di Sero Theisi riba teritorio di Ecogas. Segun por a compronde di esunnan den bisindario ta trata aki di un dump ilegal. Ciudadanonan cu ta biba den area di Sero Theishi y Simeon Antonio a ser conseha pa sali di nan cas debi cu e holo y e huma a causa hopi dolor di cabes y situacion fastioso cu tabata yega na e casnan den bisindario. Un situacion fastioso , mirando cu ta trata di cera un dump di parkietenbos y di otro banda otro ta lanta y habri dump nan ilegal mas pariba cu awe por mira e resultado di un caos pa medio ambiente na Aruba.
Na mes momento mester bisa cu e ley di Serlimar cu a wordo combati den parlamento manera nos tur sa con, siendo e ley di Serlimar tabata cla caba pa atende den parlamento, pero te dia di awe despues di mas cu 5 aña di gobernacion e minister di medio ambiente no a haci ni un stap pa concretisa e ley aki den parlamento pa asina cuminsa structura loke ta desperdicio na Aruba y reglanan y ley di luchtvervuiling. Parlamento no a pasa e ley y Selimar a keda sin e poder pa cobra pa maneho di sushi aki na Aruba cu por a yuda procesonan y cambionan den Serlimar y drecha e situacion di dump na Parkietenbos. E tempo ey e cobransa tabata 27.50 unda cu un parti mester a bay pa procesa sushi y e otro parti ta bay pa recoge sushi. Sinembargo e tempo ey discusionnan sin pia sin cabes a tuma luga pa poder y of loke ta e movecionnan cu ta andando na e momentonan aki.
Pero na mes momento awe e prijs pa recoge sushi ta hopi mas y ningun discusion a tuma luga, pero tambe minister di medio ambiente a menciona cu Serlimar a paga tur su debenan , ken realmente a paga tur e debenan aki siendo cu Serlimar tabata den boca di bancarota ?. Procesonan y movecionnan tras di cortina cu ta sosode y awe nos ta mira un dump ilegal creando mes of mas dolor di cabes cu dump di parkietenbos mes.
