Aruba Hotel and Tourism Association (AHATA) ta representa como 150 compania di diferente variedad den e sector di hospitalidad y turismo. Un punto cu ta tende semper di e miembronan ta cu nan ta luchando cu scarsedad di trahadonan na Aruba y mundialmente tambe tin e tendencia aki. AHATA semper ta purba di busca solucion pa por yuda tur miembro y pa yuda pa e economia ta mas productivo.
CEO di AHATA Tisa La Sorte a anuncia oficialmente un campaña di conscientisacion y un plataforma digital cu yama “encontra bo pasion” cu e plataforma nan aki kier yuda personanan den nos comunidad cu ta buscando trabao den e sector. Segun Tisa La Sorte AHATA kier yuda e personanan pa yega na nan trabao y yuda nan pasa den e proceso aki.
Tin un website cu lo yuda diferente personanan cu guia pa asina nan yega na trabao. Riba e website por haya tur e datonan unda cada persona ta haya un guia, sea pa un entrevista, con pa bisti apropia pa un entrevista y alabes con por atende cu henter e proceso pa solicita pa por haya un trabao.
Cu e plataforma nan aki AHATA ta trata di mehora e situacion cu Aruba tin actualmente unda cu tin menos gap entre e personanan cu ta busca trabao y e dunadonan di trabao cu ta buscando hende pa yena e cuponan di trabao pa asina yega na un economia mas productivo.
E website yama : mitatraha.com unda cu lo haya diferente video y guia, pero tambe tin un plataforma unda cu personanan por yena nan informacion personal profesional y e sistema mes ta traha un CV pa nan.
Tin hopi dunado di trabao ta reclama cu tin hopi persona cu no sa con pa yena un CV apropia, asina a bin e idea pa crea un guia pa esunnan cu tin mester unda cu nan mester dies yena e informacion y automaticamente e ta haci e CV pa nan y asina nan lo por entrega esaki na e compania cu nan lo tin deseo di traha na dje. E personanan cu kier traha tin un guia awo cu no ta haci dificil pa nan lo por yega na un trabao cu nan ta contento cu ne.
AHATA ta traha conhuntamente cu diferente directornan ehecutivo di recurso humano, pa perfecciona e plataforma y tambe keda al dia. Tambe ta traha cu DPL y a mustra DPL cu e contenido di e plataforma ta relevante pa personanan cu ta busca trabao. Di e manera aki ta trata di yega na diferente solucionnan den nos comunidad pa e personanan por haya trabao.
