Banda di tur e discusionnan di e manera cu minister ta anda contradictorio di e ley a haci peticion na e mandatario pa ban papia , pero sin cuchiu riba mesa y cu a haci e peticion na e mandatario pa kita e MB nan aki y sinta na mesa y papia. Segun abogado Desiree Croes e mandatario kier perhudica e grupo di personanan aki na un manera grandi, e kier perhudica e taxistanan prome y despues e kier sinta na mesa cu nan y impone su maneho, asina aki e no ta traha.
Mirando e imponencia di minister Ursell Arends cu no kier baha for di su cabay e grupo di taxista a bisa cu ta basta mirando cu ya caba un par di siman nan no ta kere cu e sistema a bay bon, e proceso no a bay bon y na mes momento no mester acepta un proceso cu a bay robes. E proceso a cuminsa robes y lo e bay caba robes y no lo duna minister e oportunidad pa drecha e proceso na caminda.
Si acaso e minister kier drecha e situacion e ta trek in e MB, na mes momento sa cu e mandatario ta sinti cu e ta perde cara , den e parti aki no por haci nada debi cu e ta un minister y e mester sa cu esey ta sosode na momento cu ta un politico y na momento cu ta un politico mester wanta un par di sla. Esunnan cu no ta politico no ta wanta e sla nan cu ta duna nan.
Tambe den e combersacion cu e mandatario e ta indica cu lo a hiba redo entre e grupo di taxista y nomber aki y aya. Aki ta caminda ta mira e inmadurez di minister Ursel Arends unda cu ta sinta cu un grupo di adulto mayor di taxistanan y ta kere cu nan ta mucha chikito y ta puntra un pa un ken a bisa esaki y ken a bisa esaya, mane ta na scol nan ta.
Abogado Desiree Croes ta bisa minister Ursell Arends bon cla cu nos no ta na scol , nos no ta mucha chikito y e taxistanan mester y merece un respet. E mandatario a daña nomber di e taxistanan den pueblo unda nan ta haya comentarionan negativo den pueblo di locual cu nan no merece di haya paso e taxistanan ta traha manera tur otro traha dor , nan ta traha duro tur dia.
Si dado caso cu tin puntonan cu pa añanan no a bay corecto den wowo di gobierno, den wowo di minister Ursell Arends specificamente e ora mester cana e caminda corecto pa regla esaki. Segun Abogado Desiree Croes e caminda pa cana cu e cosnan corecto ta e caminda di dialogo prome, prome ta papia y despues ta dicidi, pero minister kier dicidi y despues papia, e no ta bay. Nos ta biba den un pais democratico y no dictadura.
