Siman pasa College Aruba financieel toezicht (CAft) a bishita Dr. Horacio Oduber Hospital y AZV. Riba iniciativa di CAft Hospital a start cu un analisis y un ‘timeline’ pa tin un miho bista ki ora nan no por carga e gastonan di e cuido actual y kico esey ta nifica pa Hospital, e isla y e gobierno. E analisis lo consisti di un version cu y sin cortamento den cuido. Den ambos caso Hospital tin reto grandi financiero. E lo ta na gobierno pa tuma decision kico nan ta spera di Hospital y cuanto placa nan kier duna den su begroting y/of duna diparti e turismo lucrativo pa e cuido en general, specificamente Hospital. CAft a duna di conoce cu lo sigui di cerca e escogencianan di gobierno y AZV y cu tin menos comprension si Hospital lo sigui bou presion.
Durante e bishita, Hospital a duna entre otro bista den e situacion critico financiero di Hospital door di varios motibo. Añanan di finansa insuficiente di e cuido duna door di AZV. Esaki pa motibo cu no tabatin acuerdo riba un produccion maximo y ademas e maneho insuficiente di Hospital pa stop cuido ora yega e budget maximo cu Hospital ta haya for di AZV.
Tabatin impactonan intensivo financiero entre otro: E atake cibernetico na 2019 (±2 miyon), e retonan di e proyecto di construccion y dañonan cu tabatin, e cobransanan di utilidad cu ta dos biaha mas halto pa via di e expansion di Hospital y e reduccion di gasto di gobierno riba e construccion unda a kita solucionnan sostenibel di combatimento di calor. Ademas di esaki tabatin e candela na aña 2020 cu hopi gasto di material y entrada perdi (total ±2.6 miyon) door di cierto cuido cu mester a bay pa Imsan.
Despues e crisis di Covid-19 a sacudi Hospital y mester a pospone of stop algun cuido temporalmente pa yuda pashentnan cu Covid-19. Actualmente esaki ta ±4.6 miyon. E gastonan di Covid-19 den 2020 a wordo cubri door di AZV.
Pa tin un Hospital financieramente saludabel mester di un aporte inicial di 33 miyon. Banda di esaki ta necesario pa tin un aumento structural di 15 miyon riba e budget actual di AZV di 192 miyon. E suma aki actualmente tin un cortamento di 5.5% (10.6 miyon) door di e crisis di Covid-19 y como parti di e acuerdonan den e landspakket.
E 5.5% ta haci cu mester corta den e oferta di tiponan di cuido, adapta e cantidad, enfoka riba e lista di personal, e condicionnan secundario y adapta compensacionnan extraordinario pa dokternan.
Door di finansas insuficiente pa personal extra ta haci cu tin mas tempo di espera na cierto policlinicanan door di Covid-19 y falta di personal.
Pashentnan indocumenta actualmente tin mas cu 10 miyon placa riba caya. Esaki ta pone hopi presion riba Hospital. A pidi ministerio di husticia pa tuma e gastonan aki pero te aworaki no a duna resultado. Esaki ta haci cu pueblo di Aruba ta paga pa cuido di otro y su mes ta ricibi menos cuido.
E periodo benidero lo sigui traha riba e rol di Hospital den nos region cu DCHA (Dutch Caribbean Healthcare Alliance). Hospital ta desea di tin un rol importante den region pero cu su mes autonomia y igual cu otro hospitalnan den region. Esaki actualmente ta bayendo poco stroef.
Pa loke ta e colaboracion cu ImSan, e acuerdo di cooperacion ta den su fase final y Hospital su intencion ta pa fuseer dentro di 2 aña. Esaki lo yuda cu un miho sintonisacion y balans den personal, facilidadnan y cuido y tambe un reduccion significativo den gastonan di overhead.
E añanan benidero hospital ta desea di structuralmente tin un overhead mas chikito y ofrece mas hospitalidad, principalmente ofrece un cuido mas eficiente. E siguridad di pashent ta keda primordial den esaki.
Lo sigui reforma cu enfoke riba solucion pa cuido na pashentnan di edad, riba e cuido cerca dokternan di cas pa alivia departamento di emergencia y dokter na warda. Lo ofrece mas enseñansa na nos hubentud pa reduci e necesidad di waanemer, dokter y enfermeranan pa asina realisa mas continuidad den cuido y reduccion di gasto.
CAft a combina e aporte duna door di Hospital y AZV pa un combersacion (dialogo) cu gobierno.
