E grupo Martinon y AmsRestorts ta esnan cu ta dirigi varios hotel na punta cana, pero tambe na otro paisnan rond mundo y awo na Aruba y Hyatt tambe ta forma parti.
Aruba ta un destinacion cu e cadena hotelero ta mira potencial den dje y alabes Aruba tin e sitio ideal na San Nicolas cu ta cuadra cu nan concepto cu nan tin como hotel, bunita pool rond di e hotel pa mustra e elegancia di e hotel, pero tambe e bista di trankilidad di e beach na Punta Cana cu Aruba tambe tin pa ofrese.
E sitio na San Nicolas no solamente a keda scogi pa dies traha un hotel, pero cu ta cuadra completamente cu e vision y e meta pa trece e turista di calidad pa Aruba. Tambe e hotel lo percura di hinca energia y educacion di tur esunnan cu lo bin traha den e hotel pa e servicio di atencion, amabilidad y di ta detayista na cada turista cu scoge e hotel pa pasa nan vacacion, e parti aki sigur tambe ta cuadra cu e pensamento di Aruba, mirando cu Aruba a bin ta trahando duro pa varios aña riba nos hendenan cu ta e base fuerte cu turistanan ta bin bek Aruba y e hotel Secrets Baby Beach Aruba lo ofrece esaki na tur nos bishitantenan.
E cadena hotelero di Secrets ta kere den tur e aspecto nan aki y a priminti di trece Secrets pa Aruba y brinda Aruba tur loke nan tin pa ofrece. Cada Hotel Sercets ta traha exclusivo cu un modelo incorpora den e area cu e hotel ta situa y e ambiente cu tin rond di dje. Aruba tambe lo haya un Hotel Sercets exclusivo pa su mes y sigur pa e comunidad di San Nicolas esaki ta bay ta un exito y un empuge economigo pa Aruba completo, pero principalmente pa San Nicolas.
Un pabien na Gerencia completo di Martinon, AmsRestorts y Hyatt y sigur na Enrique Martinon,Luiz Nuñez, Arthur Cabre, Alejandro Murcia cu ta kere den San Nicolas su potencial y ta percura pa San Nicolas logra y crece manera debe ser.
