Kico nos como cuidando kier pa Aruba , esey mester ta e punto principal pa un escogencia di votacion. Tin diferente puntonan cu bou di mando di minister Ursell Arends a keda lubida y a keda mal maneha. Consecuentemente awe Aruba lo paga pe y e lo tin consecuencia pa futuro. E berdad ta cu Aruba ta den un situacion hopi delicado y tin hopi preocupacion, pero mas tanto e consecuencianan pa futuro. E dump di Parkietenbos a keda cera y e consecuancianan por wak esaki di tur e dumpnan ilegal cu a keda crea rond di Aruba. Lamentablemente a para y boicotia un proyecto di insinerator cu ta bon pa Aruba unda cu e mester a funciona entre 2 pa 3 aña pa mira un cambio na dump di Parkietenbos.
Aruba a perde 4 aña pa 6 aña di capricho politico y daño enorme cu a keda haci pa campaña contra di incenirator cu den un principio ta bon pa Pais Aruba. Si e ley a bay na vigor y e capacidad di compronde dicon y pakico e inceniraitor ta bon, awe Aruba lo a gana y lo tin un otro escenario riba dump di Parkietenbos.
Lamentablemente Aruba a perde tur e añanan y awe ta mira un cero mas n Seroe Thijshi cual cu no ta e plannan cu tabatin. E tempo ey berdad a bay un destaho publico pa bin cu un incenirator grandi pa Aruba pa atende cu e problematica di desperdicio na Aruba y na mes momento tabata e solucion pa serlimar para riba su propio pia manera a haci cu ATA y ANSA unda cu lo e la bira un Sue Generis y na unda cu e trahado ta bay padilanti y e pueblo ta haya e servicio cu e merece y na mes momento gobierno no mester hinca esunnan cu e ta hinca mas den Serlimar politicamente.
Sinembargo ta hopi bisto cu Minister Ursell Arends den tur su carteranan absolutamente nada no a wordo haci unda cu tres aña y mei a pasa y riba e tereno di medio ambiente, ningun ley a keda treci padilanti apesar di tur e leynan cu a keda atras pa bay parlamento y pasa e leynan aki, pero lamentablemente nada no a tuma luga.
Sinembargo corte di Aruba a laga traha un rapport riba Serlimar pa motibo di e casonan cu ta andando na e momentonan aki pa loke ta trata bisiñanan cu a lanta contra di gobierno. E rapport ta bisa bon cla cu e insenirator ta funciona hopi bon y conforme tur normanan cu ta existi nacional pa haci un trabou corecto y bon na Aruba . Tambe e rapport cu corte a manda traha ta bisa cu no ta solamente e insenirator ta funcionando corecto na Aruba pero e ta traha 100 biaha mas miho cu esunnan cu tin na Hulanda. Tambe den e rapport ta menciona cu den e sistema anterior unda cu ta kima den e container cu Minister Ursel Arends kier bay bek na dje, pero no a logra na momento cu publicamente a desenmascara Minister Ursel Arends riba su intencion pa bay bek riba e sistema malo cu ta prehudica Aruba. Den e rapport ta duna di conoce cu no ta ni bale la pena pa comenta riba e sistema bieu unda cu tabata kima den container den suela na parkietebbos paso e ta un berguensa y tristesa den e forma cu tabata procesa kimamento di sushi na Aruba.
E rapport cu corte a laga traha ta un rapport cu expertonan a laga traha pa corte. Desde 5 aña pasa e ley di medio ambiente no a keda pasa den parlamento y te dia di awe e ta drumi den parlamento y ningun parlamentario y e minister concerni cu ta minister di medio ambiente Ursel Arends no a traha riba dje , pero tampoco su fraccion no a haci nada pa esaki. E ley den parlamento ta practicamente cla faltando solamente pa vota riba e ley aki. Si e ley a pasa e lo a pone cu Serlimar lo a para riba su propio pia y gobierno no mester hinca 27 miyon mes den Serlimar manera cu e ta hincando na e momentonan aki. Pueblo di Aruba mester paga un dia manera cu e ta tur parti di mundo y no mester pensa cu esaki no lo sosode. Tambe e ley ta pone cu e compania ta bay dedica tur loke ta desperdicio den procesamento cu ta mas corecto pa Pais Aruba. E manera cu ta yenando tur sushi tur caminda no ta sano pa Aruba. E rapport di PAHO a indica cu Aruba mester haci algo cu e parti aki mas pronto cu ta posibel , sinembargo minister Ursel Arends a firma na Maart 2024 pa pone Aruba bek den e situacion precario di kima sushi den container cu no ta sano pa pais Aruba.
E contract di e compania a keda para door di ex minister di medio ambiente Otmar Oduber debi cu tabata paga e compania un suma di 1.7 miyon florin unda cu e pueblo di Aruba ta paga y e no tabata fructifero pa Aruba debi cu e no ta kima ni 5% na bienestar di Aruba. Sinembargo Aruba mester a paga e compania aki 5 aña 1.7 miyon sin un resultado positivo pa Aruba y na momento cu a stop e contract a bin full un guerra riba e punto aki y awe Minister Ursel Arends kier pone Aruba bek den e situacion aki y na Maart ultimo a firma pa hinca Aruba un biaha mas den un situacion no humano pa tratamento di desperdicio na Aruba dies pa boicotia e insenirator cu for di un principio ta bon pa Aruba. E daño cu e decisionnan y e pleito pa placa den su totalidad ta Aruba a keda perhudica.
Cada ciudadano na Aruba mester tin un consenshi y stima nan Pais mas y recorda cu cada decision malo pa vengansa cu un politico ta tuma dies pa perhudica e otro nan no ta perhudica otro , e unico cu ta keda perhudica ta Pais Aruba y e ciudadanonan humilde cu ta biba riba e Pais.
Tambe e indicacion cu supuestamente lo tin ciudadanonan cu a cera un pacto pa yena saco y protesta contra di algo cu ta bon,e ciudadanonan aki ta mes culpabel di loke awe dump di parkietenbos ta pasando aden.
