No ta prome biaha cu City Inspector ta haci limpi na Bottom Hillweg Sanicolaas y Veldt di Pepsi. Sinembargo cada bes ciudadanonan ta keda benta sushi den e bisindario y esaki sigur no ta di aprecia. Lamentablemente comunidad ainda ta haci tipo di actonan asina, sabiendo cu tin un responsabilidad di tene Aruba limpi. Na mes momento tampoco gobienro no ta indica y duna e espacio di unda sushinan mester wordo benta. Un rato ta bisa dump ta habri otro rato ta bisa dump ta cera. Esaki ta discusionnan politico cu tin comunidad confundi y bruha di kico mester ta, dus kico por y kico no por. Mirando esaki ta compronde tambe e actitud di comunidad di cu ta benta sushi rond di Aruba unda cu ta crea dumpnan diferente caminda. City Inspector ta haciendo un trabou unda cu ta hiba awa lama, mirando cu te ainda no tin un claridad cu sip or hiba tur tipo di sushi dump di parkietenbos. Esaki ta e consecuencianan cu cada bes Bottom Hillweg Sanicolaas y Veldt di Pepsi ta keda yena cu sushinan di cas.
