Cabesante juf. Sheila Tromp, maestra di klas 2 y DGE juf Audry Sardine-Vasquez y e guia interno juf. Saskia S. Elgin-Maclean a duna un presentacion di e plataforma di enseñansa adaptivo SNAPPET cu ta usando na Pius X School actualmente. SNAPPET ta un sistema di enseñansa digital cu ta incorpora entre otro matematica, idioma y gramatica y comprencion di lectura. Muchanan ta traha na metanan personalisa. Esaki ta un sistema inovativo cu ta cuminsa den klas 1 cu matematica y ta sigi te cu klas 6 cu materianan menciona. Tur presente por a experencia un poco con e sistema aki ta hinca den otro y con un mucha ta experencia esaki den klas. E sistema ta cumpli cu e metanan describi den nos plan nacional PEN 2030 y alabes muchanan ta traha na nan habilidadnan di siglo 21.
