He he, porfin awe ta su beurt. Awe nos lo relata un crenchi encuanto e bunita expo “”Tera ta canta” , na studionan di Atelier 89 bou direccion di e gran artista Elvis Lopez y su team di artistanan cu ya a tuma luga.
Mayoria biaha e workshopnan ta di duracion 6 siman of dos luna , algun bes pa siman y ta wordo corona cu un bunita clausura cu un tremendo expo comparti cu pueblo publico amante di arte, tur e obranan cu a wordo traha pa e grupo di personanan, entre nan artistanan di varios of diferente disciplina den arte.
Tin biaha tin lesnan di pintamento, lesnan di obranan di man, of lesnan di filmacion. E exposicion “Tera ta canta” tambe a trece hopi hende hunto den e cura di Atelier 89 bou streanan cla anochi y despues di un bunita splicacion y introduccion di esunnan cu a participa e biaha aki na e workshopnan, e publico por a bay paden di e varios lokaalnan y admira tur e obranan traha na man, cu un sorto di lodo klei hinca despues den forno.
Hopi bunita obranan di diferente size y color y formanan di cosnan conoci of cosnan abstracto y unico. Lady Ruth a hasta mira algun cu ta parce “monsternan chikito”mira cu wowonan cu hopi biaha ta custumbra di wak obranan di fantasia y tur sorto di forma. Nos ta pensa cu por ta e djentenan di un of otro criatura di naturalesa.
Un di e artistanan tabata Sra. van Blarcum cu no ta un artista desconoci. Nos a topa cu Samuel Eman, un amante ferviente di tur arte. Y Samuel ta gusta atende tambe e bunita conciertonan y of obranan teatral den Cas di Cultura. E pareha artista di Aruba, bibando actualmente na nos madre patria Hulanda, Ryan Oduber y su bunita sra.esposa artista profesora di baile Alydia Oduber-Wever ta causando hopi furor mes na Hulanda cu nan obranan e.ö.cu “Dilanti biento”, mi ta spera di tin e titulo bon ) cu un bunita bistir estilo hamaka asina, den un exposicion di textiel of telanan di tur material color y forma. Nos tambe a lesa di dje ariba facebook .
”De appel valt niet ver van de boom”pasobra Alydia ta un di e prinsesnan di Diana Antonette, e mihor profesora di baila na Aruba den tur baile posibel cu alumnonan na Scol di bayle Diana Antonette na Cas di Cultura, na unda tambe su otro prinses Pierangeli Wever ta duna les na nos muchanan y hobennan expresivo cu kier sinja expresa nan mes den baile, sea folklore , jazz of moderno. Nos ta felicita tur e artistanan y of participantenan amante di arte cu nan bunita y unico obranan den e workshop y expo “Tera ta canta” un bunita titulo pa e expo sigur, mirando e bida bibo alegre y interesante cu e obranan ta representa. Danki pa lesa nos relato cu atencion y curazon ! Pasa un bon y dushi dia yen di sabiduria den nos alegria ! Un bearhug pa boso tur ! Sabiduria den nos alegria Skirbi pa Ruthy “Lady Ruth”Vrieswijk-Bergen
