Secretario General di Unesco Milouska Tromp tabata presente na Archivo Nacional pa atende un expo di elemento intangibel “Tarai “ den cooperacion cu Archivo Nacional unda cu den un exposicion chikito ta mustra e elemento via video, potret y algun material.
Aruba ta parti di e convenio pa salvaguardia e herencia cultural intangibel unda cu ta bay tin comision nobo cu ta bay keda encarga cu e implementacion. Segun Secretario General di Unesco Milouska Tromp parti di esaki ta pa trece herencia intangibel cerca di pueblo,museo,comunidad. A cuminsa cu un exposicion chikito pero tog ta duna hopi informacion y e bunita di esaki ta pa pueblo bin y presencia e exposicion aki y haya sa mas di e “Tarai”. E exposicion lo keda te cu december na Archivo Nacional. Tur hende ta bon bini pa bin wak e exposicion unda cu tin diferente materialnan cu por mira.
E historia di “Tarai” ta hopi bunita unda, tur hende por traha un ‘Tarai” , awendia berdad por bestel nan , pero e bunita di esaki ta si nos mes por sa con pa traha esaki e tradicion ta keda serca nos. Awendia tin hopi mucha ta tirando cu tarai. E video cu tur hende por wak ta di Enrique Soto cu ya caba a fayece, pero su famia a permiti y a pone disponibel tambe materialnan cu ta su herencia di su artefactonan cu e tabata pisca cu ne.
E invitacion ta keda pa e pueblo di Aruba bishita Archivo Nacional pa asina haya sa mas di e historia di Enrique Soto y su bida cu su “Tarai “
