Den Cas di Cultura a tuma luga e final di mini-merengue BOS DI KiNiKi 2021. E atardi yena cu color- y talentonan infantil y hubenil a trece composicionnan nobo bailabel na Papiamento y a ser conduci pa Addonsito Croes y George Winterdaal. E cantante Rodrick “Rocco” Franken a ricibi cu basta emocion su trofeo ricibiendo e aplauso fuerte y largo cu su publico a brind’e. Su palabranan tawata pa Aruba nunca stop di stimula nos chikitonan den e arte cu nan ta gusta! E cuerpo di hurado tawata Suriany de Mey, Joanna Maya, Rajiv Landaeta y Sandra van der Linden como presidente di hurado. Ganadonan a resulta:
Categoria A
Hailey Koolman cu e cantica “Pret’i wowo”.
Categoria B
Tizianne Kelly cu e cantica “Man de man”.
Segundo luga John Paul Rapista cu “Kere den bo mes”.
Categoria C
Yetzenia Martines cu e cantica “Dios su plan”.
Miho trahe: Loany Ho Sing Loi
Premio amistad: Esmee Flanegien
Cantante popular: Yetzenia Martines
E comision organisado consistiendo di Addonsito Croes, George Winterdaal, Dylan Fingal y Mieckey Gravenhorst ta gradici tur mayor, e publico presente, Prensa di Aruba, cada cas comercial, tur hurado, Cas di Cultura, cada artista invita y cada curazon chikito cu a participa. Pabien tur compositor y areglista cu a haci nos festival, exitoso. Masha danki tur patronisado: GLITZ Casino, DCA, SETAR NV, PLAYA LINDA BEACH RESORT, KFC, Burger King, Caribbean Cinemas Paseo Herencia, Muchanan Sabi, the Art of Engraving, Zion & Xamarah Anthonij, Cas Princesa Aruba, GLW, KeKe, Cabayero Barbershop, Lucky Store, Super Shopping, Wall Paintings Aruba, Click Print, Martijn Trading, Popular Agencies, Compra NV, EZ Party Sollutions y PRENSA di Aruba!
