Manera tur aña Brigada ta duna oportunidat na hóbennan pa skirbi nan nòmber pa forma parti di e Brigada. Brigada di Seguridat i Formashon ta buskando hóbennan ku ta dispuesto pa eksperensha algu otro i ku un karakter firme i desidido. Abo Hóben masha dia bo tabata kier a forma parti di brigada awèl ata bo oportunidat pa ta parti di Brigada di Seguridat i Formashon. E periodo di reklutashon ta di 2 di mart te ku 31 di mei 2023.
Pa por inskribí pa bira miembro di Brigada por hasi esaki via e link di inskripshon riba nos pagina di facebook “Brigada di Seguridat i Formashon”. Bo ta yena e formulario digital kompletu, mester yena un e-mail adrès korekto. Na momentu ku bo kaba di yena e formulario bo ta haña un mail outomatiko kaminda lo bo haña un link ku un karta i dokumentonan ku mester yena pa hasi bo inskripshon bálido. Si akaso bo no risibí esaki porfabor tuma kontakto ku nos via di Whatsapp na +599 9 520 4071.
Keda pendiente pa nos dia di informashon Riba e dia aki mayornan i hóbennan por pasa na nos kazerne situá na Laufferstraat z/n, Mundu Nobo. Akinan nan lo haña diferente demostrashon di training nan ku Brigada di Seguridat i Formashon ta duna i hasi kualke pregunta ku nan tin. Training nan manera; Infex, Defensa Propio i
training fisiko. Tin posibilidat di inskribí riba e dia aki tambe.
Pa mas informashon i inskripshon, por tuma kontakto ku Brigada di Seguridat I Formashon na 461-2825 òf mail nos na bsf@bosdihubentut.com. Brigada di Seguridat i Formashon ta un proyekto di Youth in Development Foundation kaminda hóbennan entre 15 i 21 aña ta yuda vigilá seguridat di mucha hóben durante eventonan públiko. E idea di brigada a lanta na aña 2004 ora Hudraine Papa a bira viktima den e aktividat públiko di seú kual a kosta su bida pa falta di seguridat. E
aksidente aki a motivá Fundashon Bos Di Hubentut pa tuma inisiativá pa lanta un brigada formá dor di hóben bon prepará mental i físikamente pa por duna asistenstia den aktividatnan manera karnaval di mucha, parada di tiner,
Seú i otro aktividat públiko. Miembronan di BSF tur wikènt ta sigui trainingnan intensivo di entre otro: training di kondishon i training mental. Miembronan di brigada ta partisipá na aktividatnan manera “Survival Camp”, “Trainings Camp” i teambuilding.
