Brasa bo Cultura

Fundacion Chico Harms ta un organisacion vibrante cu e proposito pa complementa y engrandece e folklore y cultura Arubano. E Parada Cultural anual a cuminsa bou di guia di Fundacion Chico Harms na aña 2010 cu 250 participante. Te awe, e fundacion ta riba caya y a conta e aña aki cu mas di mil participante. Durante e fin di siman tras di lomba, Fundacion Chico Harms a organisa varios actividad en conneccion cu e Parada Cultural.

Segun Sr. Harms ta splica, e aña aki e organizacion a tene varios actividad pa engrandece e parada, pues cuminsando for di mei caba. E eventonan mas grandi cu nan a organiza ta esun di Cantica di Caya y coronacion di reina. Cantica di Caya ta wordo organiza pa e cantica cu gana, ta e cantica cu lo domina caya durante e parada. Pa locual ta trata coronacion a dicidi di scoge un reina for di e shete gruponan cu ta participa. Tin un total di 12 grupo, pero 7 participante pa reina.

E fin di siman a cuminsa cu un parada nobo, e Parada di Lanterna riba diabierna ultimo. Diadomingo a dicidi di hala e parada Cultural un ora mas laat pa motibo di solo, pues por a goza di nos cultura den un ambiente mas fresco.

E idea ta pa comparti nos cultura no solamente cu nos local, pero sigur den e area turistico tambe.